شارك الفنان محمد رمضان، عبر حسابه الرسمي بموقع تداول الصور والفيديوهات «إنستجرام» أحدث ظهور له خلال رحلته في صربيا.

وظهر محمد رمضان، خلال مقطع فيديو داخل المنزل الذي أقام به في صربيا، ونشر هذا المقطع عبر حسابه على «إنستجرام»، معلقا: «أحب صربيا».

وفي وقت سابق، طرح محمد رمضان آخر أعماله التي تحمل اسم «مش فاضي»، من كلمات وألحان حازم إكس، ولم تحقق الأغنية مشاهدات مرتفعة، بل حققت 30 ألف مشاهدة فقط، بعد 12 ساعة من طرحها على «يوتيوب».

وجاءت كلمات أغنية مش فاضي، كالآتي: «عندي كاريزما طبيعي لا إرادي، بتشد اللي بيقفوا قصادي، من غير ما ألعب 'جيم' رياضي، بيرنولي بس أنا مش فاضي، مش فاضي مش فاضي، مش فاضي لكلامكوا الفاضي، مش فاضي مش فاضي، بصراحة كلكوا ع الفاضي، برافو يا رجالة ده إنتوا فصلتوني، ماشى زجزاج زاج زاج زاج، أول لما باجي ناس كتير بيجيلها لاج، ماشى زجراج زاج زاج زاج، أنا رجولة إنت بـ…….. ، مش فاضي مش فاضي».

كما أثارت كلمات أغنية مش فاضي لـ محمد رمضان، الجدل، لتنهال عليه العديد من التعليقات، والتي جاءت كالآتي: «احنا اللي فاضيين لك يا محمد كولا، بعد إعلان كوكولا إنت بقيت متسواش حاجة خسارة فيك حتى الكلام الفاضي، إحنا لازم نفهمه إننا بأدينا كل حاجة ياريت كل راجل جدع يعمله أن فولو»، «مش فاضي أسمعك».

وجاءت تعليقات أخرى: «أنت لسه هتغني وأنت عملت إعلان بدم أخواتنا»، «يعني أنت منزل الأغنية دي دلوقتي عشان تقول للناس اللي بتقول أنك بعت القضية، وأن كلامهم مش فارق معاك وأهم حاجه عندك الشهرة والفلوس».