أكد الإعلامي أحمد موسى أن إزالة أسماء بعد المنتسبين لجماعة الإخوان الإرهابية من قوائم الإرهاب لا يعني خروجهم من السجون.

وقال موسى خلال برنامج 'على مسؤوليتي' المذاع على قناة 'صدى البلد': 'في قانون صدر يخص الكيانات الإرهابية في 2015 القانون ده في الوقت ده الدولة تواجه إرهاب وكان في هذا الوقت كل حاجة في البلد بتنضرب محطات الكهرباء بتنضرب وتفجيرات وعمليات إرهابية وحصل في السنة دي تحديدا أكثر من 300-400 عملية إرهابية في سنة واحدة'.

وأضاف: 'كان في استباحة للبلد من جماعة الإخوان الإرهابية ستظل إرهابية وكل عنصر فيها سيظل إرهابي واتعمل القانون وأجهزة الأمن ومعلومات عن أشخاص ويتم القبض عليهم ويقدم أدلة للنيابة العامة وبالتالي يروح للمحكمة والمحكمة هي اللي تقول يتم إدراج هذه المجموعات على قوائم الكيانات الإرهابية'.

وتابع: 'معني الإدراج على قوائم الكيانات الإرهابية أن يكون الشخص غير طبيعي لو عندي جواز سفر يتسحب ولو عنده تجديد ميتجددش ولو عنده أموال يتم التحفظ كل دي إجراءات وهي إجراءات ردع'.

وأوضح: 'كل الناس دول راحوا للمحاكم وبالمناسبة هي مش قايمة واحدة خالص في قوائم متعددة يعني سين من الناس النهاردة ممكن يترفع من القايمة دي موجود على قايمة أخرى'.

وواصل: 'بالمناسبة الإرهابي وجدي غنيم مش على قايمة واحدة وجدي غنيم المجرم الإرهابي ده على الأقل يعني موجود على 3 قوائم اتشال من على واحدة وموجود على اكتر من قائمة يعني وجدي غنيم ده هيرجع مصر؟ دا عليه إعدام، طيب هيثم أبو خليل بتاع التنظيم الدولي الإرهابي ده هيرجع مصر؟ دا عليه احكام بالسجن وجميع الأحكام واجبة النفاذ ستنفذ ومش معني أنه اتشال من على قوائم الإرهاب أن الأحكام اتشالت لا الأحكام موجودة'.

وذكر: 'مش معناها أنه خرج من السجن لأنه لم تصدر قرارات بالعفو هناك فارق كبير بين رفع أسماء إرهابيين من قائمة كيانات إرهابية هي قائمة ولكن هناك عدد من القوائم العدد كبير جدا مش 700 واحد والـ 700 دول فيهم أسماء موجودة على قوائم أخرى'.