تعتبر الفتة المصرية من أشهر الأكلات المرتبطة بـالعزومات في مصر، فلا تكاد تخلو مائدة العيد من طبق الفتة الغني بالأرز والخبز المحمص والصلصة واللحمة، والذي يجمع العائلة حول رائحة مميزة وطعم شرقي لا يُقاوم.

قدم الشيف تامر فتحى عبر صفحته الرئيسة طريقة عمل الفتة المصرية على أصولها خطوة بخطوة.

للفتة:

2 كوب أرز مصري

2 رغيف عيش بلدي محمص أو مقلي

4 فصوص ثوم مفروم

1/4 كوب خل أبيض

2 ملعقة كبيرة سمنة أو زبدة

للصلصة:

2 كوب عصير طماطم

1 ملعقة كبيرة معجون طماطم (اختياري)

1/4 كوب خل

ملح وفلفل أسود حسب الرغبة

للحمة:

نصف كيلو لحمة (مسلوقة)

بصلة، ورق لورا، حبهان، ملح وفلفل لسلق اللحمة

الطريقة:

اسلقي اللحمة في ماء مع البصلة والبهارات (ورق لورا، حبهان، ملح وفلفل).

بعد السلق، ممكن تحمّريها في شوية سمنة لو بتحبيها محمرة.

اغسلي الأرز واطبخيه بالطريقة العادية (مياه أو شربة، وسمنة أو زبدة).

حمّري الثوم في شوية سمنة.

ضيفي الخل وخليه يغلي ثواني.

ضيفي عصير الطماطم ومعجون الطماطم، والملح والفلفل.

سيبيها تغلي لحد ما تتقل.

حمّصي العيش البلدي وكسّريه قطع صغيرة.

في طبق التقديم:

1. ضعي طبقة عيش، ورشي شوية من شوربة اللحمة.

2. ضيفي الأرز.

3. ضيفي جزء من الصلصة.

4. زوّقي باللحمة على الوش، وضيفي باقي الصلصة.