هناء فتاة عشرينية وقفت أمام محكمة الأسرة في المعصرة، طالبة الخلع من زوجها بعد أن شاهدته يخرج من شقة جارتها في العقار المقابل لهما، وكشفت خيانته معها، وحين طلبت الانفصال عنه رفض، فقررت اللجوء إلى المحكمة وطلبت الخلع منه.

سردت هناء قصتها مع زوجها كاملة منذ أن نشأت العلاقة قبل سنوات عديدة بسبب الجيرة، حيث يقطن في نفس الشارع ويبعد منزل أسرته عن منزل أسرتها بـ 6 منازل، وبعدما تخرجت وبلغت عامها الثالث والعشرين تقدم لخطبتها ووافقت أسرتها على تلك الزيجة مرددة «أهلي كانوا بيقولوا زيتنا في دقيقنا ومتربيين مع بعض بس هو مش متربي نهائي».

قالت هناء إنها تقطن بأحد المنازل في منطقة المعصرة، وكان زوجها جارا لها والعلاقة بين الأسرتين كانت قوية، مشيرة «علاقتنا كانت كويسة جدا وهو وحيد أسرته وأنا عندي أخت ولما كبرنا كان بينا نظرات حب لحد ما جه اتقدم لي في البيت ووافقوا عليه وطبعا في الخطوبة مكنش فيه مشاكل لأننا عارفين بعض كويس أنا وهو ومتربيين مع بعض».

وتابعت هناء في قصتها مع زوجها «بعد الزواج مكنش فيه مشاكل وكانت حياتنا طبيعية لكن في أول سنة وقبل ما تخلص عرفت أنه بيخوني وحصلت بيني وبينه مشكلة كبيرة بس مدخلتش فيها الأهل، لكن بعد سنة و10 شهور كنت في بيت والدتي ولقيته خارج من البيت اللي قدامنا والبيت ده محدش عايش فيه غير ست مطلقة لوحدها وأهلها ميتين».

اختتمت هناء قصتها «لما روحت سألته عن سبب وجوده في بيت جارتنا وأن سمعتها مش كويسة وعايشة لوحدها، قالي أنا كنت على القهوة وفضل يقنعني وكلم حد من أصحابه وقال فعلا إنهم كانوا على القهوة، لكن بعدها بـ شهر واحد بس كان خارج من عندها وأنا طلعت البيت بعده وخبطت عليها وقلت لها جوزي كان هنا ليه واتخانقت معاها، وطبعا طريقة لبسها كانت غريبة لما فتحت لي الباب، واتخانقت معاه وطلبت الانفصال وهو رفض، وروحت محكمة الأسرة رفعت قضية خلع».