قال ممدوح الحسيني أحد المتضررين من شركة صروح العقارية بالشرقية،: «اللي حصل معانا مش مجرد تأخير، ده مسألة أموال ضايعة وحلمنا ضاع دفعنا تحويشة العمر داخل مقر الشركة الرسمي، ومع كل دفعة كانوا يوعدونا بالعقود والوحدات، لكن كل الكلام ده فضّل في مكانه».

وأضاف خلال مشاركته في برنامج 'خط أحمر' الذي يقدمه الإعلامي محمد موسى على قناة الحدث اليوم،: «المصيبة الأكبر إن المسوق العقاري اللي جمع الأموال هرب، والفلوس راحت فين؟ ده السؤال اللي كلنا بندوّر على إجابة له الشركة بتلقي باللوم عليه، بس احنا كعملاء دفعنا لأطراف رسمية وعندنا إيصالات ومستندات، واللي حصل جرح ثقتنا في السوق كله'.

وأشار ممدوح إلى أن الأزمة امتدت لأكثر من عامين، حيث بدأ التعاقد في أواخر 2021، وتفاقمت المشكلة في 2022 و2023، مضيفًا: «اضطرينا نرفع قضايا، وكسبنا بعض الأحكام الابتدائية، لكن الحق الكامل ما رجعش لحد دلوقتي'.

وختم المتضرر كلامه برسالة تحذيرية: «دي جرس إنذار لكل حد حاطط فلوسه في أي عقد أو حلم لازم الشركات تتحمل مسؤوليتها، والمسؤولين عن أي تلاعب يتحاسبوا، عشان ما يحصلش نفس الكارثة مرة تانية».