كتبت-هند عواد

علق مرتضى منصور رئيس مجلس إدارة الزمالك السابق، على تصريح ممدوح عباس الرئيس الأسبق للقلعة البيضاء، بشأن أحمد فتوح لاعب الفريق الأول وغيابه عن مباراة المصري البورسعيدي الماضية في الدوري المصري.

وكان ممدوح عباس وجه رسالة إلى مجلس إدارة الزمالك، يمكنك الإطلاع عليها من هنا.

'لاعب اعتذر وهو زي الجن الأحمر'.. ممدوح عباس يوجه رسالة غامضة لجماهير الزمالك

وأعاد مرتضى منصور نشر هذه الرسالة عبر حسابه الرسمي على موقع التواصل الاجتماعي 'فيسبوك'، وعلق: 'مين ده اللي بيهاجم فتوح الكابتن الحقيقي لفريق الزمالك ويتهمه بالتمارض، أولا صفته إيه؟ وما هي علاقته بالنادي غير ذكريات سيئة'.

وأضاف: 'مش خجلان من نفسه، سموا فترتك العشرية السوداء ولما ... من النادي حجزت على أرصدته حوالي 13 سنة، كلنا عارفين بتهاجم فتوح وتنتقم منه ليه، علشان كلكم تخليتم عنه في محنته وهو والمحامي الأهلاوي المحترم أشرف عبد العزيز شكروني لوقوفي بجانبه'.

وواصل: 'لازم نهاجمه ونخلص عليه علشان الجمهور يهاجمه ونبطله كرة، لو راجل قل لنا لما رفعت الحجز بعد تركنا النادي... كان لك كام 20 مليون لما كان الدولار بـ6 جنيه في 2006 واستلمتهم بسعر الدولار 50 جنية، يعني استلمتهم 80 ضعف مع أنك استلمتهم قبل كدة 3 مرات'.

وأتم مرتضى: 'أيتها الجماهير العظيمة فتوح صرف كل اللي معاه علي الدية وهذا حق أسرة المتوفي وكان الولد ده وعده أنه له 11 مليون جنية، هايدفعهملة وياخد شيكات على النادي وبعد شكره لي هو والمحامي رافض يديله جنيه ويشهر به'.