كشف الإعلامي أحمد شوبير نجم الأهلي والمنتخب السابق عن أن بعض المسؤولين في الأهلي أكدوا له أن المدربين الكبار لا يضعون شرطا جزائيا في عقودهم.

وقال شوبير عبر اثير أون سبورت اف ام:' هو النادي الاهلي بيقولك المدربين الكبار دول مبيحطوش شرط جزائي والراجل كان عنده عرض خليجي قوي جدا وصل لتسعة مليون دولار في السنة'.

وتابع: 'الاهلي كان مشروع وقصة فأقنعوه بالبقاء والاهلي اللي طلب العقد يبقى سنتين هو كان سنة في سنة فقالوا لا نعمل سنتين اللي هي السنة اللي احنا فيها دي والسنة القادمة ، طبعا اسيء تفسير العقد مع النادي الاهلي'.

وأكمل: 'اسيء تفسيره اسيء تفسيره تماما يعني فالنادي الاهلي لما قرر انه ينهي التعاقد كان يعتقد انه هيدفعله الشهرين اللي فاضلين حوالي 450 ألف دولار مبلغ مش قليل يعني يا ريتها جات على كده'.

وزاد: ' لما خلاص تم الاعلان ان كولر مشي فوجدوا ان ياخد عقده السنة اللي بعدها كاملة ياخدوا عقده السنة اللي بعدها الكاملة ياخد مرتبه حتي نهاية تعاقده مع النادي الاهلي'.

وأضاف: 'لما سالت الناس في النادي الاهلي قالولي المدربين الكبار مينفعش يتحط شروط جزائية ضربولي امثلة بعدد من المدربين اللي بياخدوا مرتبهم حتي النهاية والمدربين الكبار هي دي طريقة العقود بتاعتهم يعني'.