حرصت الفنانة لقاء سويدان، على مواساة الفنانة نشوى مصطفى، بعد وفاة زوج الأخيرة، وذلك من خلال منشور عبر موقع التواصل الاجتماعي فيسبوك. 

كتبت لقاء سويدان، في منشورها عبر فيسبوك: «نشوي مصطفى الفنانة والاخت المحترمة .. عهدتك دائماً ست أصيلة و مخلصة وراضية وطيبة بنت ناس طيبين .. ربنا يربط على قلبك و يبارك في اولادك و أحفادك الممتدة فيهم روح عماد المحترم .. عليه رحمة الله و غفرانه .. وانا لله وانا اليه راجعون». 

وأعلنت نشوى مصطفى -أمس الأحد- وفاة زوجها، وقالت بمنشور عبر فيسبوك: «اللي بيحب ربنا ييجى يصلى صلاة الجنازة على زوجى ونور عينى وحبيبى وسترى وأبو ولادى —  تعالوا والنبى مسجد حسن الشربتلى صلاة الضهر —  أبوس إيديكم عايزة ناس كتير تيجى والنبى -  الله يراضيكم تعالوا كلكم —  ادعو له بالرحمة وادعولى أنا وولاده بالصبر والثبات —    مسجد حسن الشربتلى التجمع الخامس -  هتلاقوه على جوجل ماب».

وبعدها قالت نشوى مصطفى، بمنشور آخر عبر فيسبوك: «شكر الله سعيكم ولا اراكم مكروه فى عزيز لديكم باشكركم جميعاً على وقفتكم جنبى وجنب ولادى فى مصيبتنا اقتصر العزاء على  المقابر بناء على رغبة نور عينيا زوجى وشريك عمرى وابو ولادى،ادعوا له بالرحمة والمغفرة».

وكانت نشرت الفنانة نشوي مصطفي عبر صفحتها علي موقع التواصل الإجتماعي الشهير “ فيسبوك ” ، صورة تجمعها بزوجها الراحل ، ونعته بكلمات مؤثرة .

وقالت نشوي مصطفي : «سترتنى ربنا يسترك .. أكرمتنى ربنا يكرمك .. سيبت لى أجمل هدية ولادنا ربنا يهاديك بالفردوس الأعلى .. ٣٣ سنة ستر وكرم ومحبة ومودة ورحمة .. علمتنى إزاي أكون من المتصدقين.. علمتنى إزاي أكون دايماً فى معية الله.. علمتنى إزاي تكون عزة النفس .. علمتنى ازاي أتسامح حتى مع اللي آذانى.. علمتنى إزاي اتوكل على الله فى كل شئونى .. علمتنى إزاي أكرم ضيفى … علمتنى معنى التواضع مع عباد الله الضعفاء».

وتابعت نشوي مصطفي : «يانبيل الأخلاق ياابن الأصل العالى  .. نسيت تعلمنى إزاي اقدر أعيش من غير وجودك .. ٣٣ سنة مبعدناش عن بعض لحظة .. ٣٣ سنة ذكريات وحياة بحلوها ومرها.. ٣٣ سنة كنت خير زوج وخير أب .. ٣٣ سنة أكرمتنى وسترتنى وجبرت خاطرى وربيت عيالنا أحسن تربية .. ليه ياعماد سيبتنى لوحدى كده - مااستاهلش منك تسيبنى لوحدى ده انا مبعرفش أعمل حاجة فى الدنيا - انتا اللي كنت بتعمل لنا كل حاجة - انتا اللي سندتنى فى كل ظروف حياتى الصعبة —  فى شدتى وفى مرضى شيلتنى وطبطبت عليا -  ياااااه  على غلاوتك ياعشرة عمرى — يااااااه على غلاوتك يا أبويا وأخويا وحبيبى وجوزى وابنى —  باموت ياعماد —  باموت وانتا مش قدام عينى —  حاكمل إزاي يارب من غيره .. ادعو له بالرحمة وادعولى بالصبر وادعو لولادى بالصبر والثبات».