علق الفنان تامر عبد المنعم، رئيس البيت الفني للفنون الشعبيةعلى انسحاب الفنان محمود العزازي من مسرحية نوستاليجا.

وقال تامر عبد المنعم في مداخلة هاتفية مع الإعلامي تامر أمين في برنامجه ' آخر النهار ' المذاع على قناة ' النهار '، :' كان من المفترض أن يكتب محمود العزازي اعتذار رسمي ويقدمه للبيت الفني '.

وأكمل تامر عبد المنعم :' محمود العزازي كان بيعتذر أكثر من مرة لأمور لا تلائمه من وجهة نظره '.

وتابع تامر عبد المنعم :' في مرة من المرات محمود العزازي طلب فلوس مقدم وقلت له مفيش حاجة في الحكومة اسمها مقدم '.

وأكمل تامر عبد المنعم :' محمود العزازي كتب رسالة على جروب للعمل ضايقتني وتحدث عن أهمية تقدير الناس  وقلتلهم يعني إيه مش هتيجي العرض '.

وتابع تامرعبد المنعم :' أنا دفنت أبويا وخدت العزا ونزلت على مسرح البالون عشان بروفة الموسيقار سليم سحاب  ومفيش حاجة في شغلانتنا اسمها عندي ظرف عائلي '. 

وأكمل تامر عبد المنعم :' عيب محمود العزازي يقول إني عايز أخد اللقطة لإني لو عايز أخد اللقطة هاخدها من بدري، مضيفا: 'أنا بشتغل الشغلانة دي من أيام لما كنت بشورت يا محمود'.