أثار الفنان محمد إمام الجدل مجددًا بتعليقه مرة أخرى على أزمة من الفنان الأعلى أجرًا والأكثر مشاهدة، وذلك بعدما كشف مؤخرًا أن والده الزعيم عادل إمام كان ولايزال الأعلى أجرًا في السينما والتليفزيون.

قال محمد إمام: “خلاص يا جماعة بطلوا عياط ما حصلش حاجه … كلكم أعلى أجور و أعلى مشاهدة و أعلى كل حاجه سيبونا نشتغل في هدوء بقى الله يكرمكم علشان مفيش وقت”، وذلك خلال منشور عبر حسابه الشخصي بموقع تبادل الصور والفيديوهات “انستجرام”.

محمد إمام يكشف حقيقة هجومه على أحمد العوضي

في الوقت نفسه، استنكر محمد إمام مزاعم البعض بأنه قصد التقليل من الفنان أحمد العوضي بتصريحاته الأخيرة عن الفنان الأعلى أجرًا، مدافعًا عن نفسه من خلال منشور عبر حسابه الشخصي بموقع التواصل الإجتماعي الأشهر “فيسبوك”.

كتب محمد إمام: “أنا مش عارف ليه في ناس فهمت ان انا نزلت بوست لشخص محدد ..انا عامله ليهم كلهم و نتكلم جد شويه .. انا عمري لا حطيت حد ولا هحط حد في دماغي و ده اللي اتعلمته من ابويا ربنا يخليه لينا”.

وأضاف: “إني أكون ابن أكبر نجم في التاريخ و وصلت للي انا فيه دلوقتي ده ماكنش سهل أبداً و بحمد ربنا عليه كل يوم .. و ده كان بفضل حبكم و دعمكم ليا بعد فضل ربنا سبحانه و تعالى .. يعني انا أصلاً فيا اللي مكفيني”.

واختتم محمد عادل إمام: “و حقيقي بتمنى الخير للجميع .. المنافسه دي بتخلينا نطلع احسن ما فينا و كل ده في صالح الجمهور العظيم اللي زيكم .. بشكر كل اللي بيحبني .. انا بحبكم اكتر بكتير و انتوا أهم حاجه في حياتي بعد عيالي #الحمدلله '.