هاجمت الإعلامية مروة صبري، الفنانة مها أحمد، وذلك بعد تصريحاتها المثيرة خلال الأيام الماضية، وهجومها على متابعيها عبر موقع «تيك توك».

وقالت مروة صبري، خلال برنامجها «قعدة ستات»: «مها أحمد هاجمت متابعين لها عبر تطبيق تيك توك، تساءلوا عن سبب ظهورها في لايفات، وابتعادها عن التمثيل وموقف زوجها الفنان مجدي كامل، الغريب والصادم إن مها أحمد ردت على المتابعين الذين كانوا جزءًا من شهرتها».

وتابعت صبري: «افصلوا النت عن مها أحمد يا جماعة لإنها مبقتش خطر على نفسها دي بقت خطر على الجمهور كمان».

ووفي وقت سابق، قالت مها أحمد، خلال فيديو، عبر موقع «تيك توك»: «أنا صحيت على إن الدنيا مقلوبة والجمهور اللي بيحبني ومش متنمر زعلان إني بقول عاوزة أشتغل عند شيخ.. أنا مليش ذنب بميولك أو إن عندك خلفية بإن اللي بتشتغل عند شيخ بتروح تشتغل خدامة».

وتابعت مها أحمد، قائلة: «لكن أنا هانم.. ولما كنت بتكلم اني عاوزة أشتغل عند شيخة أو شيخ من الشيوخ فده بناء على تاريخ الفن اللي أنتم جاهلين بيه، لأن أعمال فنية مصرية كتير متصورة في استوديوهات شيوخ خلايجة، وكان في ستوديوهات هنا مملوكة لشيوخ وكنا بنروح نصور عندهم.. وفي شيوخ خلايجة ومنتجين بيعشقوا الفن هناك».

وأضافت مها أحمد: «أنتوا بتسألوني فين الدكتور مجدي يصرف عليكي لا يا حبيبتي دكتور مجدي بيصرف عليا من زمان أوي الدكتور مجدي مكفي وموفي الدكتور مجدي بيجيب الفلوس كده ويحطها قدام مراته ويقولها اتصرفي، أعملي اللي إنت عايزاه وهاتي اللي نفسك فيه لأن الدكتور مجدي واخد مراته ممثلة بتشتغل فهو عارف أوي إن لازم اشتغل مسألتهوش ليه أيام ما هو كان بيمثل وأنا بمثل بتخلي مراتك ليه تشتغل ما تقعدها ستتها في البيت ولا حلو السؤال دلوقتي عشان التنمر زاد، ما تسألوا الدكتور مراته بتشتغل دكتورة ليه ما تسألوا الصحفي مراته بتشتغل صحفية ليه وبتنزل وبتبقى مراسلة وتروح وبتيجي وبتشتغل على تيك توك».