قدمت الشيف احلام البوهى عبر صفحتها الرسمية على موقع التواصل الاجتماعى فيسبوك، طريقة عمل كفتة داوود باشا على اصولها.

• 1 كيلو لحم مفروم

• ¼ كيلو بصل مفروم ناعم

• ½ كوب بقدونس مفروم

• ¼ كوب كزبرة خضراء مفرومة

• ملح + فلفل أسود

• 1 معلقة صغيرة كزبرة ناشفة

• 1 معلقة صغيرة بابريكا

• ¼ معلقة صغيرة قرفة

• 1 معلقة صغيرة بيكربوناتو (اختياري لكنها بتطري الكفتة)

• 1 معلقة صغيرة سكر

الطريقة:

1. نخلط كل المكونات مع بعض.

2. نشكل الكفتة على شكل كرات متوسطة الحجم.

3. نغلف الكرات بدقيق خفيف

4. ضعيها في صينية وتدخل الفرن 20 دقيقة على درجة حرارة 180

المكونات:

• 4 كوب عصير طماطم

• 2 كوب ماء

• ¼ كيلو بصل مفروم

• 5 فصوص ثوم مفروم

• مكعب مرقة خضار

• 3 معالق كبار كاتشب أو معلقة كبيرة صلصة

• 1 معلقة كبيرة مسطردة

• 2 معلقة كبيرة زيت

• 1 معلقة كبيرة زبدة أو سمنة

• ¼ معلقة صغيرة كمون

طريقة التحضير:

1. في حلة على النار، نضع الزيت والزبدة ونشوّح البصل حتى ما يصفر.

2. نضيف الثوم ونقلب حوالي 3 دقايق.

3. نضيف عصير الطماطم والمية والتوابل كلها (ملح، فلفل، كمون، كزبرة، سكر، مكعب المرقة، كاتشب أو صلصة).

4. نترك الصوص يتسبك حوالي 10 دقايق.

5. في الآخر نضيف معلقة المسطردة ونقلب.

6. ننزل بكفتة داوود باشا بعد ما استوت، ونتركهم مع بعض على النار 10 دقايق