تحدّث الإعلامي أحمد موسى، عن مخططات تنظيم الإخوان الإرهابي، وخطط ما بعد 2030، حيث قال إن التنظيم الإخواني الإرهابي، ينظم خطة ممنهجة تستهدف الإعلام المصري وصولًا لعام 2030 معلقًا: الإرهاب واضعين خطة.. عايزين بحلول سنة 2030 يتم استهداف الإعلام المصري المؤثر اللي ضدهم.. يعملوا حملات منظمة.. عملوا 3 غرف عمليات منهم واحدة مخصصة تعمل على صناعة التريند على مواقع التواصل الاجتماعي.

وتابع الإعلامي أحمد موسى، خلال تقديم برنامج على مسؤوليتي المذاع على قناة صدى البلد: يتم التسويق والنشر على مواقع الإخوان الإرهابية، عندهم 15 منصة.. غير القنوات بتاعتهم مكملين والشرق وغيرها، بيصنعوا التريند والحالة لخدمة الهدف بتعهم.. مئات الملايين من الدولارات مخصصة لهذا الأمر.. حملات إخوانية إرهابية مصنوعة وممنهجة.. استهداف الإعلام المصري.. ضد مثلا مصطفى بكري أو الباز.

وأضاف الإعلامي أحمد موسى: 'الإخوان الإرهاب عايزين يوصلوا لعام 2030 وميبقاش حد في الإعلام المصري، ويبدأ يقولك الإعلام دا متشوفوش.. مش عايزينك تبحث عن قنواتك المصرية.. بيحاول يضرب مصداقية.. والتشكيك في المصداقية.. ليكون في الآخر إعلام إخواني ومنصات إخوانية بس.. تنظيم الإخوان ليس معارض بل تنظيم إرهابي، هما عايزين ياخدوا جزء من المعارضين'.

وتابع: “يحيى موسى إرهابي محكوم عليه بالإعدام في اغتيال الراحل هشام بركات، كان مدي تكليف برصدي أنا.. دي اعترافاتهم قبل كدا.. وهو موجود في تركيا.. صديق ليا موجود في مكان مهم وقالي هحكيلك حكاية ”كنا في الاتحادية قبل ثورة 30 يونيو اللي مفيش ثورة غيرها.. ودي الثورة اللي أنقذت الدولة.. وقالي فلان وفلان كلهم في أماكن مهمة سمالي 12 واحد.. فقال طلع الإرهابي دا كان وقتها ممثل وزارة الصحة ووقف في اجتماع إحنا اللي هينزل الشارع هنواجهه.. الواد دا إرهابي.. قال اللي هينزل الشارع هنواجهه بمنتهى القوة.. الود دا اتكلم يومها كلام عن الشعب المصري ويُسيء له كان المفترض يتاخد السجن على كلامه اللي قاله على شعب مصر.. الولد دا بعد الثورة هرب .. ويُدير منصة ميدان.. الولد دا بعت عناصر إرهابية وكان عايز يعمل خلايا جوه مصر.. لكن أجهزة الدولة ترصد وتتابع كل حاجة جوه وبره.. راصدين وشايفين”.

وأضاف الإعلامي أحمد موسى: نجحنا فى إجهاض مخططات التنظيم الإخواني الإرهابي.. يحيى موسى كان باعت خلايا لعمل اغتيالات وعمليات إرهابية في مصر.. يقدموا عناصر شبابية لكنها عناصر إخوانية إرهابية.. بيقدموا هذه المجموعات عشان تنخدع.. بيشتغلوا على استهداف الدولة والإعلام المصري.

وأردف: أي مشروع في البلد لو اتكلمت عليه إيجابي يستهدفك.. هو مش عايز الصورة الإيجابية.. التنظيم الإرهابي لا يتحدث عن الإيجابيات في مصر.. هو دا الخطاب بتاعهم.. هما بره عندهم مشاكل وقضايا وبعض الناس منهم بيفكروا الانتقال من دولة إلى دولة أخرى.

وذكر الإعلامي أحمد موسى: تجهيز المسرح والأرضية.. تنظيم الإخوان عايز يرجع مرة تانية التنظيم الإرهابي .. بيغيروا الخطاب بتعهم بيغيروا مصطلح التمكين .. ويستخدمون لغة للدخول على عقول الناس والتعامل مع مواقع التواصل الاجتماعي.. عايزين يكسبوا أرضية.. ودا توجيه رايح لهم.. بعض النخب الفاسدة .. شخص واحد من الممولين كتبت عنهم في كتابي الجديد .. واخد تمويل عشان ينفذ أجندة .. نجحوا ينفذوها في 2011.. وعايزين ينفذوها تاني بعد 3 أو 4 سنوات.

وأضاف: قضايا التخابر الذي اتهم فيها التنظيم الإخواني.. إنهم إزاي يقدروا يسيطروا على الشعب ويمشي وراهم.. لكن محدش يقدر يوجه الشعب.. لأن الشعب عنده وعي كامل وقدره كاملة يفرق بين التنظيم اللي عايز يدمر البلد، وبين اللي همّه مصلحة البلد.