أكد الإعلامي مصطفى بكري أن هناك اهتماما كبيرا من الشارع المصري بالانتخابات النيابية القادمة سواء في مجلس النواب أو الشيوخ.

وقال بكري خلال برنامج 'حقائق وأسرار' المذاع على قناة 'صدى البلد': 'لا حديث للناس هذه الأيام إلا عن الحياة الحزبية الجديدة، عندنا حزب كبير اسمه مستقبل وطن حزب متواجد في الشارع وبيشتغل وعندنا حزب جديد اسمه حزب الجبهة الوطنية، وهو حزب فيه كوادر عندها خبرة في العمل العام والحزب ده هيبقاله تحالف مع قوى عديدة'.

وأضاف: 'حزب مستقبل وطن إحنا عارفين تحالفاته مع الأحزاب اللي دخل معاها الانتخابات قبل كده وهذه الأحزاب مثلت كما لم تمثل ومستقلين مثلوا وغيره وطلع عندنا قائمة تعبر عن كل أنواع الطيف السياسي'.

وتابع: 'الناس بتسأل الأيام الجاية هيبقى فيها إيه؟ نمرة واحد إحنا عندنا هذا العام انتخابات مجلس الشيوخ أولا ثم مجلس النواب ثانيا، مجلس الشيوخ مثلا هيتفتح باب الترشيح والانتخابات هتجري على مرحلتين في شهر أغسطس والناس هتؤدي اليمين الدستورية في شهر 10 مثلا'.

وواصل: 'في كلام بيتردد أن مجلس الشيوخ ممكن يزيد ويبقى 360 نائبا هو 300 دلوقتي 100 بيعينهم السيد الرئيس و100 قائمة و100 فردي وفي كلام مش مؤكد أن مجلس النواب ممكن يزيد ويبقى 720 نائبا وهو دلوقتي 596 وانتخاباته هتجري على 3 مراحل والناس تؤدي القسم في 7 يناير 2026، هيبقى عندنا الفردي والقائمة والقائمة هتعمل تمثيل 25% امرأة ومسيحيين وشباب والتمثيل هينعكس على القوائم والفردي'.

وأكمل: 'اللي هيتولى الإشراف على الانتخابات القادمة هو النيابة الإدارية وهيئة قضايا الدولة وعددهم لا يقل عن 10 آلاف، والشارع المصري يترقب هذه الانتخابات ومجلس النواب القادم لأنه مجلس له أهمية واحنا في فترة تاريخية مهمة، ومهم يبقي عندنا حزبين كبار ووراهم أحزاب صغيرة ولما يبقي في حزبين كبار يبقى في منافسة جيدة ولا يجب أن الناس تاخد المسائل بحساسية'.