كشفت الفنانة جيهان الشماشرجي عن تفاصيل تجربة شخصية صعبة مرت بها قبل دخولها مجال التمثيل، مؤكدة أنها تركت أثرًا كبيرًا في حياتها وغيرت رؤيتها للعلاقات بشكل كامل.

وخلال لقائها في برنامج 'صاحبة السعادة' مع الفنانة إسعاد يونس، أوضحت جيهان الشماشرجي، أنها عاشت قصة عاطفية قاسية دفعتها للعزلة والسفر لفترة طويلة، لتبدأ رحلة اكتشاف ذاتها من جديد:'كنت محتاجة أتعلم أستطعم الأكل وأتنفس وأشم هوا، ولما باب التمثيل اتفتح قدامي قررت أجرب وخدت الموضوع كصدفة'.

وأضافت جيهان الشماشرجي، أنها فقدت ثقتها بنفسها في تلك المرحلة:'كنت ببص في المراية مش شايفة ملامحي ومكنتش بقدر أبص في عين أي حد علشان ميشوفش إحساسي الوحش ناحية نفسي'، لافتة إلى أنها استعادت توازنها الداخلي بالتأمل والهدوء.

وأكدت أن التجربة القاسية كانت نقطة تحول في شخصيتها، قائلة:«بقيت عارفة أنا عايزة إيه ومش عايزة إيه، وعرفت النوعية اللي ما تناسبنيش، والتجربة رغم ألمها علمتني كتير».