خرج اليوتيوبر المغربي 'سيمو سدراتي' بأول تعليق له، بعد الانتقادات الواسعة التي طالته، على خلفية ما اعتبره عدد من المتابعين، بمشهد 'تمثيل النشيد الوطني' على أرضية ملعب لوسيل أثناء أداء النشيد الوطني المغربي قبل مباراة المنتخب المغربي ونظيره السعودي في كأس العرب.

وقال سدراتي في تدوينة: 'إوا باش غنبداوا؟ باسم، الله الشباب أنا كنتفهم الغضب ديال بزاف منكم، وكنتقبلوا، وكنشوفوا صحيح، لأن فعلا مكانش خاسني نكون متحمس لديك الدرجة. وكان خاسني نعيش اللحظة وننسى التيليفون. ولكن الأمر وما فيه هو أننا تعاملنا مع الوضع بكل عفوية ومكنا كنخبيو والو، واحنا كنا كنصوروا راسنا قدام أكثر من 78 ألف متفرج بكل عفوية'.

وأردف المتحدث: 'جاتنا دعوة من المشرفين على البطولة باش نحضرو للنشيد الوطني بأرضية الملعب التاريخي لوسيل وفي مباراة كبيرة. بغينا نوثقه اللحظة لأنها أول مرة غنعيشوها، وحنا كنغنيو النشيد الوطني بالأرضية ومورانا المنتخب ديالنا، أعتقد أي واحد غتجيه فرصة بحال هذه غيبغي يوثق اللحظة، حنا كنا جوج وصورنا بعضنا بسرعة قبل ميسالي النشيد الوطني. ربما بزاف معجباتهمش اللقطة، ومغنقدر نقول والوا من غير الإعتذار منهم'.

وزاد موضحا: 'هي لقطة تاريخية بالنسبة لينا وبغينا نوثقوها وصدقات تاريخية ديال بصح ومعمرنا غنساوها كانت لحظة حقيقية مخبينا فيها والو، وثقناها قدام الناس لأننا اعتقدنا أنها عادية. الإحساس بأرضية الملعب كان قوي حنا ممولفینش ومعرفناش كيفاش نتعاملوا، تحمسنا وصورنا كل لحظة ومعليش أنا كنتقبل العمارية اللي طلعنا ليها، شكرا للناس اللي غتفهم، واللي مغاديش يفهموا أنا ألتمس لهم العذر والمهم هو المغرب ربح و الكأس ديالنا'.