كشفت الفنانة شذى، عبر حسابها الرسمي بموقع تداول الصور والفيديوهات «إنستجرام» عن تصالحها مع النجم تامر حسني خلال الساعات القليلة الماضية، وذلك بعدما وجهت لديه العديد من التصريحات السيئة، قائلة: «سيرة تامر حسني بتقلبلي مزاجي».

وشاركت شذى تجمعها صورة بـ تامر حسني عبر حسابها على «إنستجرام»، وعلقت عليها: «من غير ما افكر و احاول ارتب الكلام انت اكتر واحد في العالم عارف حبي ليك قد ايه و اكتر واحد برضوا عارفني، وعارف اني على الله حكايتي ودماغي بتسوحني كتير حقك عليا و دايما العتاب بيكون على قد الغلاوه و علشان غلاوتك كتير هبت معايا زيادة، متزعلش مني وهتفضل صاحب عمري اللي عدينا مع بعض كتير الوحش قبل الحلو ياوش قفص قلبي».

وكانت شذى، وجهت العديد من التصريحات المهينة لـ تامر حسني، قائلة: «سيرة تامر حسني بتقلبلي مزاجي، مش عشان أنا مبحبوش لأ أنا بحبه جداً وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية».

وأضافت: «أنا مليش حد هنا ومعنديش إخوات وكل عيلتي برا مصر. هو ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب لازم يكونوا ضهر لبعض».

والجدير بالذكر، أن تامر حسني يوصل تصوير مشاهد فيلم ري ستارت في الوقت الحالي، والذي يشارك في بطولته عدد كبير من النجوم، أبرزهم، هنا الزاهد، وباسم سمرة، ومحمد ثروت، والعمل من تأليف أيمن بهجت قمر، وإخراج سارة وفيق.