أعلنت الفنانة جوري بكر عن تعرض نجلها لوعكة صحية، مؤكدة أنها تمر بأسبوع صعب بسبب الاكتئاب الناتج عن مرضِه.

وقالت جوري بكر عبر خاصية «ستوري»، عبر حسابها على «إنستجرام»: 'مش دايمًا الحياة لونها بمبي.. أسبوع صعب من حزن واكتئاب، وتعب ابني، سخونية وبرد والتهاب في معدته.. صراعات كتير بس الواحد بيحاول يكون قوي ويعافر ويكمل؛ عشان في ناس متعلقة في رقبته'.

وأكدت: 'هونوها على بعض؛ عشان كل واحد فينا شايل شيلة ثقيلة قوي، ومش كلها وردي صدقوني، بس دايماً بنقول الحمد لله، اللهم لك ألف حمد'.

وكانت الفنانة جوري بكر، قد أعلنت عن اعتزالها السوشيال ميديا خلال الفترة القادمة، وكتبت رسالة غامضة تعبر فيها عن معاناتها في التعامل مع الناس، وتعرضها لضغط نفسي، ولكن دون الكشف عن تفاصيل.

وكتبت جوري، عبر “ستوري” حسابها الشخصي على “إنستجرام”: “وبكده هبتدي استراحة المحارب، أنا مابقتش قادرة أشوف ولا أسمع الأحداث اللي بتحصل حواليا، ولا بقيت قادرة أستحمل نفاق الناس اللي في حياتي، اللي اديتهم أكتر من حقهم من حب ودعم وصداقة”.

وتابعت: “أصعب فترة في حياتي حرفيا، ضغط نفسي رهيب من اللي بشوفه وبستحمله، ربنا يحافظ علينا وعلى أولادنا، أنا هاخد وقت لنفسي ومش هتواجد على السوشيال ميديا لمدة أسبوع راحة، وهمسح جميع وسائل التواصل، وللضرورة الواتس آب شغال، شكرا ليكم”.