أكد الإعلامي عمرو أديب أن اتهام مسؤولين في مكتب رئيس الوزراء الإسرائيلي بنيامين نتنياهو بتلقي أموال من دولة قطر للتقليل من دور مصر في الوساطة تحول إلى قضية داخل إسرائيل.

وقال أديب خلال برنامج 'الحكاية' المذاع على قناة 'إم بي سي مصر': 'في إسرائيل اعتقال سياسيين من مكتب رئيس الوزراء مسألة ليست سهلة وإني أجيب عدد من الأسماء الكبيرة في الإعلام الإسرائيلي وأحقق معاه وقاضي تحقيق'.

وتابع: 'بيعتبروا دا غسيل أموال والتعامل مع عملاء أجانب، قعدنا يومين نقرأ ونتعجب لغاية ما الإدارة القطرية قامت بإصدار بيان واضح جدا تنفي فيه تماما هذه الأمور'.

وواصل: 'نحن أمام تحقيقات مستمرة هتسألني يا عمرو أصدق الإسرائيلي والا أصدق القطري؟ أنا لا أستطيع أن أتخيل أن قطر مستمرة في هذا الأمر، العلاقات اتحسنت والعلاقات بين الزعماء اتحسنت؟ هل من الممكن أن تقوم قطر بهذه الأمور القديمة المقيتة مرة أخرى؟ أشك وليه؟'.

وأكمل: 'العلاقات بين قطر وإسرائيل جيدة، وقطر بتشارك في مناورات عسكرية مع إسرائيل ولكن هذه الادعاءات تفجرت في إسرائيل، أنا كمصري كنت أستنى مجاملة مصرية للكلام القطري يعني القطريين لما يقولوا يا جماعة عيب إحنا منعملش فيكو كده وكان يحدث في أوقات كثيرة إحنا وصلنا إن الراجل بتاعنا كان لازم يجيب مصحف ويقول أنا ضد التهجير.

وأوضح: 'اللي كان بيحصل إيه؟ وهذا أمر بردو ياريت إخواننا في قطر يخلصونا من الموضوع ده، لما كان بيحصل الكلام كانت بتتبناها المواقع اللي كانت مدعومة قطريا'.

واختتم: 'حد قال من هنا أو في أي وقت أن الدور القطري في أزمة غزة قليل أو غير مفيد؟ طيب إزاي دا حماس موجودين في قطر يعني دورك واضح وباين أرجوكم خلينا بقي نمشي في طريق سليم وطريق مفيهوش شك'.