وجهت الفنانة جورى بكر، رسالة خاصة إلى كل شخص يأذي غيره بقصد أو دون قصد، خاصة هذه الفترة بعد انتشار أخبار الموت والحوادث المفاجأة.

وقالت جوري، عبر مقطع فيديو عبر خاصية “ستوري” على حسابها الرسمي “انستجرام”: “عايزة أقول رسالة لكل الناس اللي واخدة الدنيا في حضنها ومأمنلها أوي، والناس اللي راسمة انها هتعيش 100 سنة قدامي تأذي وتظلم في خلق الله، عايزة أقولهم ياريت نتعظ، بقول لنفسي نفس الكلام، بس بجد ياريت كلنا نتعظ لأن الفترة الأخيرة الموت انتشر أوي وناس كتيرة بتروح مننا على غفلة”.

وأضافت :'لما بنروح لوجه كريم محدش فينا بياخد معاه حاجة ولا فلوس ولا لبس ولا براندات، اللي بيستمر هو السيرة الطيبة بس، هي أغلي حاجة الانسان بيمتلكها'.

واستكملت :'بأوجه بالفيديو رسالة لناس معينة، بتظلم في ناس تانية في حياتها أو شغلها، وبالذات في الشغل، بس ربنا كريم وبيعوض في كل حاجة، والناس المؤذية ياريت تعرف أن الدنيا فانية ومتخليش حد يدعي عليك'.

واختتمت جوري :'بعمل الفيديو دا عشان بشوف الناس بتروح في غمضة عين، ودا فوقني كتير لأني من هعمل حادثة بالعربية أنا وأبني بسبب ضغط نفسي، يمكن حد يسمعه ويفوق ويتعظ هو كمان، كلنا بنساعد بعض'.