نشرت الإعلامية بسمة وهبة تعليقا عبر حسابها على موقع التواصل الاجتماعى إنستجرام تعلن فيها عن عودتها الى الدراسة الجامعية مجددا لتزامل ابنها فى إحدى الجامعات بسويسرا.

وقالت بسمة وهبة : “قررت أعمل دراسات في الإعلام في مونترو، جامعة ابني بس أون لاين، إن شاء الله شهادة أصلي، مش فاهمة عزوز مبوز ليه، يمكن علشان هو وماما في جامعة واحدة”.

وجاء فى الفيديو الذى نشرته بسمة وهبة لمشاهد من الجامعة حيث قالت : “الجامعة جميلة وأكتر حاجة عاجباني فيها هو النظام”.

من ناحية أخرى نشرت الإعلامية بسمة وهبة تعليقا عبر حسابها على موقع التواصل الاجتماعي “إنستجرام”، أثناء تواجدها فى المستشفى.

وأوضحت بسمة وهبة: “لسه الأمل موجود يا رب على إيد أطباء وولاد مصر تجبرني والشفاء من عندك ثم تسخير أولاد الحلال عائلة عامر أباً عن جد دكتور حسام عامر ودكتور أحمد عامر، إن شاء لله بكره يبان داء المعدة والدواء، عشمي كبير”.

وشاركت الإعلامية بسمة وهبة مقطع فيديو لها نشرته عبر حسابها الرسمي على موقع 'إنستجرام' أثار جدلا كبيرا.

وقالت بسمة: الرسالة دي لشركة الشحن مش هسيبكم، لأنكم تسببتم في سوء الحالة الصحية لابني'.

وتابعت: 'أنا جيت من السعودية، وابني كان تعبان وخد كذا حقنة في العمود الفقري ما ريحتهوش، وبعتنا لدكتور في ألمانيا قال لازم عملية'.

وواصلت: 'الدكتور طلب مننا أشعة MRI، وبالفعل تمت وقولت له في مصر أسرع من السعودية لأن المسافة بين السعودية وألمانيا أطول وقولتله هبعتها ليك في مكتب في المطار، وقالوا هتوصل في 48 ساعة'.

وأضافت: 'قعدت عندهم عدد من الأيام و صحيوا من النوم وبعتوا الـCD للندن، واكتشفوا أنها جات غلط وبعتوا لألمانيا، والمفروض تروح فرانكفورت بعتوها لبلد تانية في ألمانيا وابني الوجع بيزيد عليه والمفروض يعمل العملية'.

وأوضحت: 'ابني عريس وفرحه بعد أسبوعين، وربنا ميجبش لينا إلا الخير لكن أنتم تسببتم في شر، وإحنا أجلنا الفرح علشان العملية تتعمل بسرعة ويتخلص من آلامه، ولو كنت بعت حد وركبته طيارة كان تقريبًا هيكون نفس السعر لأنكم أسعاركم غالية، ومش هسيبكم وهقاضيكم مش في مصر بس وبره مصر كمان'.