وجه الفنان رضا البحراوي عبر صفحته علي موقع التواصل الاجتماعي فيسبوك، رسالة الي طلاب الثانوية العامة، بعد ظهور نتيجتهم. 

وقال رضا البحراوي: مساء الخير جبت 50‎%‎ جبت 95‎%‎ الشاطر اللى يجيب رضا البحراوى فى فرحه  اللي جاب 50% واللي جاب 95%.. كل واحد له فرحته وله مشواره . 

وتابع البحراوي : المهم تكمل وتصدق في نفسك، مفيش مجموع بيحددك ولا رقم يوقفك ركز في هدفك وخليك دايمًا طموح.. واللي جاب رضا البحراوي في فرحه كده كده ناجح . 

وكان قد علّق المطرب رضا البحراوي، على وفاة الفنان أحمد عامر، بعد تعرّضه لظروف صحية طارئة.

وكتب 'البحراوي' عبر فيسبوك: “إنا لله وإنا إليه راجعون، بقلوب موجوعة ومليانة حزن، بنعي أخويا وصديقي الفنان “أحمد عامر” اللي فارقنا النهاردة وسبنا في وجع كبير ما يتوصفش”.

وتابع: “بسبب الخبر الأليم ده، تم إلغاء كل حفلاتي في الساحل الشمالي، وكمان كل الأفراح اللي كنت مرتبط بيها خلال الفترة الجاية، حداداً على روح اخويا أحمد عامر”.

واختتم: “ربنا يرحمه ويغفر له ويسكنه فسيح جناته، ويصبرنا على فراقه، أرجو منكم الدعاء له بالرحمة والمغفرة”.