وجه طارق التايب، نجم الكرة الليبية السابق، رسالة قوية إلى مسؤولي نادي الزمالك بشأن البرازيلي خوان بيزيرا، جناح الفريق الأول لكرة القدم بالقلعة البيضاء.

ويرفض بيزيرا، الانتظام في تدريبات الزمالك، لرغبته في الرحيل عن الفريق والانتقال إلى نادي شباب الأهلي الإماراتي.

وقال طارق التايب، في تصريحات ببرنامج 'من القاهرة': 'بيزيرا لاعب مؤثر والزمالك اسم كبير، لام يشوفوا حل ويخرج اللاعب بطريقة ودية'.

وأضاف: 'لو جاء عرض جيد بيع اللاعب، لو استمر مع الزمالك يلعب وغرمه ماليا، أنا ضد عقاب اللاعب بتجميده لأن لازم تستفيد منه بقدر المستطاع وبعد كده بيعه'.

وتابع: 'استفيد من اللاعب فنيًا وغرمه ماليًا فقط وعدم تجميده، خاصة في ظل الظروف التي يمر بها النادي بدون تعاقدات'.

وواصل: 'لازم بيزيرا يرجع يلعب، أنا مبحبش العاطفة في كرة القدم أنا مش عايز أناسب بيزيرا، أنا ماليش علاقة بيه، أنا عايز اللاعب يلعب ويفيد النادي من ناحية العروض اللي بتيجي للنادي، أنا بحضره للبيع مش مبحبة في سواد عيونه'.

وأتم: 'لازم يكون في ذكاء من الإدارة مع اللاعبين تحديدا البرازيلين، أنا تعاملت معاهم في الخليج التعامل معهم صعب'.