أكد الفنان خالد سرحان، أن انتقاده لحلا شيحه ليس انتقاد لشخصها ولكن انتقاد على تصريحات تحريم الفن، قائلا: 'حلا اعتبرها أختي وهي رجعت الفن وأنا كنت متأكد إنها هترجع وفكرة انك تقعد تروج إن الفن حرام مرفوضة والفن ضمير الأمة'.

ووجه خالد سرحان، خلال حواره ببرنامج 'حبر سري'، مع الاعلامية اسما ابراهيم، المذاع على قناة القاهرة والناس، رسالة في هذا الاطار قائلا: 'أنت ممكن تكون معترض على حاجة ده حقك واعمال معينة ده حقك إنما الفن ده احنا ورثناه عن أجدادنا ومصر تاني دولة في العالم دخل فيها الفن'.

وتابع: 'احنا أول ناس عملنا الشريط السينمائي وورثنا الفن من زمان ودي حاجة تعمل دخل قومي للبلد ومفيدة انسانيا والفن شيء روحاني، واللي مش عاجبه حاجة ميشوفهاش لكن حلا أختي وأنا متأكد إنها ندمت على تصريحات الفن حرام لأنها رجعت تاني'.