يرى محمود عبد الرازق شيكابالا، نجم الزمالك السابق، أن إمام عاشور يمثل عنصرًا مؤثرًا في صفوف الأهلي، مشيرًا إلى أن الفريق يظهر بشكل مختلف في وجود اللاعب مقارنة بغيابه.

وقال شيكابالا، في تصريحات تلفزيونية عبر برنامج «الكورة مع فايق»: 'فرقة الأهلي فيها مشاكل لحد دلوقتي، أنا إحساسي إن في مشاكل لحد دلوقتي'.

وأضاف: 'ميزة الأهلي زمان إنه بيلعب كورة جماعية، ده مش موجود دلوقتي، الدليل على كده اتفرج على الأهلي مع إمام عاشور واتفرج عليه لو إمام مش موجود، ده فرقة وده فرقة'.

وأردف: 'في وجود إمام عاشور، الأهلي بيبقى فرقة قوية ومن غير إمام فرقة عادية»، مؤكدًا أن إمام عاشور من أفضل لاعبي الفريق خلال السنوات الماضية'.

وتابع شيكابالا: 'وأنت بتتفرج على الأهلي هتلاقي ممكن لاعب لو مباصتش له الكورة هيشوح بإيده'.

وعن حسين عموتة، المدير الفني للأهلي، قال شيكابالا: 'الحسين عموتة أخطأ في تصرفه مع علي محمود، ويجب أن يعرف قيمة تيشيرت النادي الأهلي، والأهلي ليس في أفضل حالاته مع المدرب، وبدون إمام عاشور الفريق عادي'.

كما تحدث نجم الزمالك السابق عن الفوارق في رواتب لاعبي الأهلي، قائلًا: 'من الموسم الماضي قلت إنه ستكون هناك مشكلة كبيرة في النادي الأهلي بسبب فارق الرواتب الكبيرة، يعني أبقى معاك 5 أو 6 أو 7 أو حتى 10 سنين في النادي الأهلي، وتقول لي إني أحسن لاعب في مصر، ثم تتعاقد مع لاعب وتمنحه راتبًا أعلى مني؟'.

واختتم شيكابالا تصريحاته بالتأكيد على ضرورة تدخل المسؤولين في الأهلي لحل المشكلات داخل الفريق، قائلًا: 'لازم يبقى في واقفة من الناس المسؤولة في الأهلي لأن في مشكلة، لازم تجيب اللعيبة الكبيرة تقعد معاها ويتكلموا بصراحة'.