كشفت الكاتبة مريم نعوم والمخرج كريم الشناوي عن سبب إختيار طرح مسلسل 'لام شمسية' بطولة أمينة خليل في في موسم رمضان

وقالت مريم نعوم:' الحقيقة إحنا مبندورش على السيزون، وانا كان نفسي يتعرض على تلفزيون مش منصة كنت محتاجاه يدخل كل بيت ويبقى على التلفزيون والناس تشوفه، وأكبر عدد من المصريين والوطن العربي يشوفوه.

فيما قال كريم الشناوي:' المشروع على الورق يخوف وكان محتاج وقت، ورمضان فيه فكرة مختلفة عن العرض في أي وقت تاني والمشاهدة الجماعية في رمضان مختلفة.

من ناحية أخرى أشاد الناقد أندور محسن بالحلقة الاولي من مسلسل “ لام شمسية” ، والذي يقوم ببطولته أحمد السعدني وأمينة خليل .

قال أندرو محسن على صفحته علي موقع فيسبوك : عجبتني الحلقة الأولى من 'لام شمسية' جدًا. حلقة متماسكة، وطبعًا الموضوع الأساسي مهم، بس اللي عجبني مش الموضوع في حد ذاته لكن كتابة الحلقة وتقديم الشخصيات عمومًا.

وتابع اندرو محسن : المسلسل فيه علاقات أسرية متشابكة وشخصيات كتير، بشكل مربك شويه في حلقة واحدة، لكن السيناريو بدل ما يستعين بالطريقة السهلة بتاعت 'مساء الخير يا طليقتي يا اللي جبت منك طفل أنا بربيه حاليًا مع مراتي الجديدة'، خلانا نتعرف على الشخصيات شويه شويه من الأحداث، ثم كان فيه تتابع طويل لعيد ميلاد بيعرفنا على الشخصيات على لسان شخصيات تانيه، وبنشوف فيه خريطة الصراعات، أو جزء منها، مين بيحب مين ومين واخد موقف من مين.

واوضح : إخراجا فيه تون واضح من أول الحلقة لآخرها، بس اللي ممكن نقف عنده هو مشهد النهاية، من النادر جدًا في المسلسلات نشوف احترام لمفهوم الصمت وتأثيره للشعور باللحظة، قطعات متتالية متأنية على وشوش الشخصيات لرصد ردود فعلهم من الصدمة، اللي هو زود وقع المشهد كله على المُشاهِد ، أتمنى المسلسل يكمل بنفس المستوى.