روت ريم محمد أحمد، إحدى طالبات الثانوية العامة، تفاصيل ما وصفته بـ'الصدمة' التي تعرضت لها عقب إعلان النتيجة، مؤكدة أنها فوجئت بتغير مجموعها بشكل غير مفهوم، بعدما ظهرت لها في البداية نسبة نجاح مرتفعة قبل أن تكتشف حصولها على 15 درجة فقط من إجمالي 320.

طالبة بالثانوية العامة: النتيجة ظهرت 92% ثم فوجئت بحصولي على 4%

وقالت 'ريم' في مداخلة لقناة 'صدى البلد': 'أنا بجد مش عارفة إيه اللي حصل.. النتيجة ظهرت لي 15 من 320 يعني جايبة 4%'، مشيرة إلى أنها لا تزال غير قادرة على تفسير ما حدث.

وأوضحت أنها منذ مرحلة رياض الأطفال اعتادت تحقيق نتائج دراسية متميزة، وكانت دائمًا من الطالبات المتفوقات، مؤكدة أنها عند الاستعلام عن النتيجة باستخدام رقم الجلوس ظهرت لها نسبة 92%، إلا أن الموقع توقف عن العمل بعدها مباشرة.

وأضافت أن عددًا من زملائها تواصلوا معها لاحقًا ليخبروها بأن النتيجة المسجلة باسمها هي 4% فقط، وهو ما أصابها بحالة من الذهول، خاصة أن ذلك لا يتوافق - بحسب قولها - مع مستواها الدراسي طوال سنوات التعليم.

وتابعت: 'اتصدمت، لأني في 3 إعدادي كنت الأولى، وصحابي كلهم جايبين مجاميع كويسة، وحاجة زي 4% دي ما شوفتهاش في حياتي، الـ4% معناها إني سلمت ورقتي فاضية، وأنا مش عارفة هل ورقتي متبدلة ولا إيه'.

واستكملت: “أهلي منهارين طبعًا، هعمل تظلم لأن مافيش حد في الدنيا مهما كان مستواه يجيب المجموع ده، الفيزياء والكيمياء جايبة فيهم صفر ودي حاجة مستحيلة، الصفر ده ماشوفتوش في حياتي قبل كدة، لو حد بيحل وهو مغمض عينه أكيد هتصادف معاه حاجة صح في البابل شيت”.