أكد الإعلامي احمد موسى :' أن مصر سوف تظل منورة ولن تظلم ابدا، مضيفا:' مصر هتفضل منورة وهنقدر نتحمل الإجراءات.. والعالم كله مرتبك'.

وتابع خلال تقديم برنامج على مسئوليتي، المذاع على قناة صدى البلد، أن الأزمة المقبلة على العالم هو أسعار الأسمدة لأنها مرتبطة بالأمن الغذائي، مؤكدا أنه لن يتم زيادة أسعار الأسمدة في مصر ولا توجد أزمة في توفيرها.

ولفت إلى أن الأهم اليوم هو الترشيد في كل شيء وهذا ليس عيبًا، موضحًا أنه منذ كان طفلا صغيرًا يحمل القمح للمطحن ويعود بالدقيق للمنزل لعمل الخبز لأنه لم يكن هناك مخابز.

واستطرد الإعلامي أحمد موسى، أنه لم يكن هناك سكر قديما على أيامه ويتم تحلية الشاي بالعسل الأسود ثم بعد ذلك كان هناك ما يعرف بقمع السكر زنة 2 كيلو جرام.

وأردف أن الشعوب تقف مع بلدها في الأزمة وتشيلها عشان تعدي، وياما عدينا وهنعدي وهتعدي إن شاء الله، معلقا: إحنا معملناش الحرب دي اتفرضت علينا، وإحنا بلد مش منتجة للبترول.

وأكد الإعلامي أحمد موسى، أنه لا يوجد ما يسمى بالخليج الفارسي أو الإيراني، لأنه كل الدول المطلة عليه هي دول عربية وبالتالي هو الخليج العربي.

وواصل: «اللي يشتمني يشتم ولا فارق معايا غير البلد والمواطن العظيم اللي خايف على بلده وشايل همه، عشان كده بقول لرئيس الوزراء متجيش على دول».

واختتم: «محمود أخويا كان قاعد جمبي وأنا سايق مسافرين البلد، وقالي أيه شبكة توزيع الكهرباء اللي في الصحراء دي واتعملت إزاي، أصلنا كنا زمان في قرية مفيهاش كهرباء إلا في الطريق الرئيس وكام شارع في القرية الأم ودلوقتي الكهرباء واصلة لحد الغيطان».