عبر الإعلامي سيد علي عن استيائه من بعض الشامتين في استشهاد يحيى السنوار والذي قضى بعد اشتباك مع قوات الاحتلال الإسرائيلي في قطاع غزة.

وقال على خلال برنامج 'حضرة المواطن' المذاع على قناة 'الحدث اليوم': 'الحمد لله أن شيطان إسرائيل مأوحاش ليهم انهم يصوروا السنوار وهو معاه دولارت أو معاه خمره عشان كانت هتتنشر ويصدوا ربنا سبحانه وتعالي أراد له الخاتمة أنه بأيد الأعداء الرجل مكانش مستخبي وكان يقاتل وهو اللي بادرهم ايده اتقطعت وقاتل طائرة بخشبه'.

وأضاف: 'الحمد لله أنهم نشروا الصور والفيديو لأن لو كان الموقف اتحكى مكناش هنصدقه والحمد لله ان الكاميرا اللي دخلت تصور متعرفتش على شخصيته وإلا كانوا جابوه حي وكان هيتمنى يموت شهيد والحمد لله انه مات على الكرسي رغم عظم الموقف ومش مستخبي تحته ولا جنبه وجعبته متصورة فاضية عشان كان شغال قبلها وخلص'.

وتابع: 'مليون تفصيلة لو رسمها السنوار بنفسه لغفل عنها وقالها الفاروق بيده والله لأقاتلكم بأخر ذرة بيدي يعني بأخر حفنه تراب وعملها السنوار فأنت مع الصديقين والشهداء ياواحد من أشرف من انجبت هذه الامة وعارف أن الكلام ده هيتعب ناس كتيرة جدا'.

وواصل: 'كان صادقا في حياته وأذل الإسرائيليين وعاش بطلا ومات شهيدا كلهم الحقيقة عمر المختار وأحمد ياسين وأبو عمار كلهم عاشوا وماتوا شهداء أبطال'.

وأكمل: 'الحقيقة وأنا بقول الكلام ده مش مطلوب من حضرتك أنك تكون معجب بالقتل ولكن متكونش معجب بالقاتل ولا تحتفل احتفال لا يليق بالرجال ولا اشباه الرجال احتفال لا يليق بأنك عربي أو مسلم أو بني ادم من الأساس'.

وذكر: 'الحقيقة لما يبقي في واحد يكتب في جريدة عربية بمنتهي الصفاقة هذا المتصهين يقولك المقاومة سبب الاحتلال وليس العكس؟ تخيلوا لما تلاقوا قنوات عربية كنا نحترمها ومصروف عليها فلوس تطلع تمجد قتل المقاومة؟ يا اخي مش مطلوب منك تبقي معجب بالسنوار أو الشعب الفلسطيني بس عار عليك تكون معجب بالقاتل'.

واختتم: 'أي حد فينا يتماهي مع أي إسرائيلي أو إرهابي هو أسوأ منه في كاتب إسرائيلي بيقول الحقيقة أنا بستغرب من اللي بيطبعوا وينفاقوا ويأيدوا إسرائيل بيقول احنا بنحتقرهم ونتعامل معاهم على انهم حيوانات صحيح اللي بيكرهونا بيكرهونا ولكن احنا بنحترمهم ولكن اللي بيتماهوا معانا بنحبهم ولكن بنعاملهم على أنهم حيوانات'.