-نهال كمال :

-كان رقيق وإنسان مرح للغاية 

-طوال الـ 10 سنوات الماضية بحاول أعمل حاجة للأبنودي

-ناس كتير قالتلي عن الأبنودي ثروة قومية وأنا عليا دور تجاهه

- رحلات العلاج كانت كوابيس بالنسبة لي

- الأبنودي كان بيخاف إنه يتقال إنه بيلعب دور المريض

-آية الأبنودي: 

-بعد وفاة والدي تذكرت قصيدة تتعلق بالموت

-علاقة والدي بنا كانت متميزة و كان مالي الدنيا علينا

حلت الإعلامية نهال كمال زوجة الشاعر الراحل عبد الرحمن الأبنودي وآية عبد الرحمن ابنة الأبنودي ضيوفا على الإعلامية منى الشاذلي في برنامج 'معكم' المذاع على قناة “أون”.

ودخلت آية الأبنودي في نوبة بكاء أثناء وصف قصيدة ترتبط بلحظة وفاة والدها .

وقالت آية الأبنودي: 'بعد وفاة والدي وبدأت أشوفهم بيشيلوا الأجهزة من عليه تذكرت قصيدة تتعلق بالموت'.

وقالت آية الأبنودي: 'علاقة والدي بنا كانت متميزة ووالدي كان مالي الدنيا علينا'.

من جانبها قالت نهال كمال: 'كان رقيق وإنسان مرح للغاية وطوال الـ 10 سنوات الماضية بحاول أعمل حاجة للأبنودي'.

وأكملت نهال كمال: 'ناس كتير قالتلي عن الأبنودي ثروة قومية وأنا عليا دور تجاهه'.

وتحدثت نهال كمال عن رحلات علاج الأبنودي: 'رحلات العلاج كانت كوابيس بالنسبة لي والأبنودي كان بيخاف إنه يتقال إنه بيلعب دور المريض'.

وقالت نهال كمال: 'الأبنودي كان بيحب يظهر قوي وكله حيوية، وفي آخر أيامه كان مريضا لكنه بيظهر قدام الناس إنه كويس لكنه كان بيبقى تعبان ومبيقدرش يلبس الشراب لوحده'.

وتابعت نهال كمال: 'الأبنودي قال في آخر أيامه إنه عايز يموت بسلام في الإسماعيلية'.

وأكملت نهال كمال: 'صديق له طلب منه السفر لفرنسا لعرض حالته على الأطباء هناك، وفعلا بدأ الأبنودي يعود لحياته الطبيعية واتكتبله عمر جديد'.