في لحظة مليئة بالمشاعر الصادقة، كشف الفنان أحمد عبد الحميد عن تطورات الحالة الصحية لابنته الرضيعة ليلى، التي تمر بظروف صحية دقيقة منذ ولادتها، مُطالبًا جمهوره ومتابعيه بالدعاء لها دون الإلحاح في السؤال عنها.

وكتب عبد الحميد عبر حسابه على موقع فيسبوك: 'ليلى النهاردة تمت شهرين… شهرين من غير ما أحضنها حضن واحد، من غير ذكريات كتير كنت فاكر إني هبنيها معاها. مشوفتش منها غير وجع قلب بس.'

وعبّر عن إحباطه الشديد قائلاً: 'مبقتش برد على حد بيقولي بنتك عاملة إيه من كتر الإحباط، ومن كتر ما بقول إنها مش كويسة ومفيش جديد.'

وأضاف عبد الحميد: 'شهرين وأهم دكاترة في مصر مش عارفين يشخصوا حالتها على الأقل، وده مش تقصير منهم… لكنها إرادة ربنا إن حالتها تكون جديدة ومحيرة كده. طرقت كل الأبواب مع ربنا، ومهما حصل مش هقصر، وهفضل أسعى وأدعي إنه يجبر بخاطري أنا وأمها.'

ووجّه رسالة مؤثرة لجمهوره قائلاً: 'والنبي يا جماعة، فضلوا ادعوا لها كل ما تقدروا، وبطلوا تسألوني عليها… أول ما يكون في أمل أو خبر حلو، هفرح وأقول للدنيا كلها إن بنتي خفت وجت في حضني. إن شاء الله ربنا يتقبل دعواتكم ودعواتنا.'

أعماله الفنية

على الجانب الفني، يشارك الفنان أحمد عبد الحميد حاليًا في فيلم 'نجوم الساحل'، المعروض بدور العرض السينمائية.

تدور أحداث الفيلم حول حفلة كبيرة بالساحل الشمالي، ينظمها النجمان أحمد داش ومايان السيد وسط أجواء قصة حب معقدة، ويشاركهما البطولة كل من علي صبحي، علي السباع، مالك عماد، تميمة حافظ، وفليكس.