في مشهد مأساوي، هزّ وجدان سكان منطقة اللبيني بفيصل، تحولت لحظات الصباح الهادئة إلى فوضى ورعب بعد العثور على طفلين أمام مدخل أحد العقارات، في واقعة صدمت الجميع وأعادت إلى الواجهة تفاصيل الجريمة التي راح ضحيتها ثلاثة أطفال وأمهم، لتبقى الحكاية عالقة في أذهان من شهدوها عن قرب.

ومن جانبه، قال أحمد حويدق أحد سكان العمارة التي عُثر أمامها على الطفلين، إن المشهد كان صادمًا ولا يُمحى من الذاكرة، مشيرًا إلى أن لحظة العثور على الطفلين كانت مليئة بالفوضى والخوف والدموع. 

وأضاف حويدق في تصريحات لـ'صدى البلد': 'صحينا على صوت جري وصراخ تحت العمارة، نزلت لقيت الناس ملمومة حوالين طفلين مرميين قدام المدخل... واحد كان نايم على الأرض مش بيتحرك، والبنت كانت بتتنفس بالعافية، منظرهم كان يقطع القلب'.

وتابع قائلًا: 'الناس حاولت تسعفهم بسرعة وبلغوا الشرطة والإسعاف، وحضر رجال الشرطة في وقت قصير جدًا، وقفلوا الشارع بالكامل، وبدأوا ياخدوا البصمات ويسألوا السكان لو حد شاف حاجة. بعدها بشوية جه والد الأطفال وكان منهار، ما كانش مصدق اللي حصل، والشرطة خدت منه أقواله وتحفظت عليه لاستكمال التحقيقات'.

واختتم حويدق حديثه قائلاً: 'من ساعتها والعمارة كلها في حالة حزن وخوف، محدش قادر ينام ولا يصدق إن الجريمة دي حصلت عندنا، الأطفال كانوا ملايكة، ربنا ينتقم من اللي عمل كده'.