كشف محمد شبانة، نجل شقيق الفنان الراحل عبد الحليم حافظ، كواليس جديدة حول العلاقة التي جمعت بين العندليب الأسمر عبد الحليم حافظ والسندريلا سعاد حسني، وأكد أن ما أُثير بشأن زواجهما لا يستند لأي وثائق حقيقية.

وقال محمد شبانة خلال مداخلة هاتفية في برنامج 'تفاصيل' الذي تقدمه الإعلامية نهال طايل على قناة 'صدى البلد 2': 'ترددنا كتير قبل ما نعرض الخطاب اللي لقيناه بخط إيد سعاد حسني، لكن طلعناه في النهاية عشان نوضح إن الحب اللي كان بينهم مكنش نهايته جواز، وإن القصة اللي الناس مصدقاها عن علاقتهم مش دقيقة'.

وأكد أن الخطاب الذي عُرض لم يكن بهدف الإساءة لسعاد حسني، بل لتوضيح الحقائق: 'إحنا مأسأناش ليها، بس حبينا نوضح إن الحب اللي الناس فكراه بينهم مكنش بالشكل اللي اتقال، صحيح كان في مشاعر، لكن مفيش نصيب حصل'.

أما عن وثيقة الزواج المنتشرة على مواقع التواصل، فعلق عليها شبانة قائلًا: 'العقد المنتشر ده مزور، الشهود مكتوبين بالآلة الكاتبة، والشيخ اللي موقع عليه مبصم، ومكتوب فيه جمهورية مصر العربية، مع إن وقتها مكناش بنكتب كده'.