أكد الإعلامي أحمد موسى أن مشروع الدلتا الجديدة بات قريبا من الانتهاء، مشيرا إلى أن جهاز مستقبل مصر أنجز 75% من المشروع.

وقال موسى خلال برنامج 'على مسؤوليتي' المذاع على قناة 'صدى البلد': 'جهاز مستقبل مصر حاليا مسؤول عن مشروعات في مختلف الجمهورية وعايزين نفرق بين الدلتا الجديدة وباقي المحافظات لأن عندنا مشروعات في سيناء والمنيا وأسوان'.

وأضاف: 'الدلتا الجديدة هذا المشروع العملاق هيتم الانتهاء منه العام القادم منتصف 2026 بإضافة 2.5 مليون فدان للرقعة الزراعية في مصر'.

وتابع: 'الدلتا الجديدة 2.2 مليون فدان والنهاردة خلصوا 75% منها ويتبقى 25% هيخلصوها بعد حوالي سنة منتصف العام اللي جاي والدلتا الجديدة مساحتها 2.2 مليون فدان أراضي زراعية وتنمية هائلة على طريق الضبعة'.

وأوضح: 'البلد بتجري بجد الأرض دي من كام سنة كانت صحراء زيها زي أي حاجة صحراء في البلد تعالي النهاردة شوف الإنجازات اللي بتتم'.

وأكمل: 'كنت السنة اللي فاتت في سيوه ووقتها قلت لحضراتكم وكان معانا الشيخ بلال احمد بلال لما قالنا النهاردة بنعمل الطريق عشان هيتعمل مشروع ضخم عل حدودنا الغربية في مايو 2024 النهاردة الطريق اللي مسافته 200 كيلو تقريبا قدامه ما بين شهرين لشهرين ونص يكون خلصان ليه؟ عشان هنزرع 650 ألف فدان على حدودنا الغربية'.

واختتم: 'دي مشروعات الدولة ومشروعات لمصر مشروعات تنموية ودا أنفاق هائل الدولة بتعمله والأيام الجاية هيكون فيه افتتاحات لبعض المشروعات الضخمة في الدلتا الجديدة'.