كتب- مروان الطيب:

اتهم الموزع الموسيقي عادل حقي، المغني تووليت بسرقة ألحان أغنيته الشهيرة 'ما تيجي أعدي عليك'، قائلا إن اللحن الخاص بها موجود بالفعل على موقع 'يوتيوب'، وأن ما حدث أن الجمهور انساق وراء التريند، وأن هذه النوعية من الفنانين عمرهم قليل في عالم الغناء على حد قوله.

وحل الموزع الموسيقي عادل حقي ضيفًا على برنامج 'القاهرة اليوم' تقديم الفنان إدوارد، وتطرق خلال حديثه عن عدة موضوعات منها عدم وجود دور نقابي قوي لمنع هذه النوعية من السرقات، وأن على الرغم من قرار منع العديد من مطربي المهرجانات من الغناء إلا أن العديد منهم أحيا بالفعل العديد من الحفلات الغنائية خلال الفترة الماضية في الساحل الشمالي.

وعن رأيه في المغني تووليت قال: 'لما أشوف حاجة غلط، لازم أطلع أقول ده غلط، وخصوصًا لما بقى ترند والناس بقت تتقبله، وتراك ما تيجي أعدي عليك دي مزيكا موجودة على اليوتيوب أصلا، كفاية سرقة بقى وكفاية هبل وكفاية أن الناس تبقى منساقة ورا ترند لواحد لابس كلوت على وشه، وأما نشوف هيستمر قد ايه، وشايف الناس دي عمرها قليل لكن المشكلة إن أنت واخد مكان حد تاني كويس، والحل أن فيه نقابة مالهاش أي دور وكل الناس بتوع المهرجانات اللي ممنوعة كانوا كلهم في الساحل بيغنوا هناك'.

ماريان خوري لـ'مصراوي': 'الجونة السينمائي' شهد تركيزا كبيرا على الأفلام العربية