نفى الدكتور محمد عبد الجواد، صاحب واقعة شهاب سائق التوك توك أن يكون قد قام باستفزاز السائق أو الاعتداء اللفظي عليه خلال الواقعة.

وقال عبد الجواد في مداخلة مع برنامج 'آخر النهار' المذاع على قناة 'النهار': 'أنا ما عملتش أي حاجة خالص لشهاب، أنا كنت قافل الشباك بتاعي ومشغل التكييف، وما فيش حصل أي احتكاك، هو اللي خبط عربيتي، وحتى شوفت التجريحات الموجودة في العربية'.

وأضاف: 'هو ممكن يكون اللي نرفزه إن أنا وقفت بالعربية بتاعتي أنا والشخص الآخر عشان نكلمه، فهو افتكر إن إحنا عايزين نتخانق معاه'.

وتابع: 'ولا لفظ حتى قلته له، ولا لحقت اعنفه حتى، ما عملتش كده خالص، ما لحقتش، أنا ما لحقتش أعمل ده، أنا أول ما بفتح باب العربية لقيته ماسك اله في إيده وعايز يحتد، عايز يهجم عليا، أو عايز يبدأ يتخانق معايا، فالناس طبعا حاشيته، فانا ما لقيتش رد فعل اعمله، لأن أنا مسكت الموبايل بتاعي وصورته، بالضبط فقط'.

وواصل: 'حصل خدوش خفيفة في العربية ما كانش هدفي خالص ان اخد منه تعويض مادي او يحصل أي حاجة، إلا للسلوك فقط، أنا عايز السلوك بتاعه يتقوم هو واللي زيه، بس، لا أكثر ولا أقل'.

وأكمل: 'أنا مش محتاج أي تعويض مادي، أنا بس الفكرة كلها إن عايز أي حد زي شهاب، شايف إن العافية أو الموضوع ممكن يتاخد باتجاه أو أي يحصل، أي خلاف وارد جدا، نخبط بعض بالعربيات، بس مش دايما الوسيلة العنف.'

وواصل: 'ده هدفي، والله ده هدفي فقط من الموضوع كاملا، هدف الترند، لو أنا كنت عايز الترند، كنت نشرته عندي أو على صفحتي مثلا، كنت طلعت وتلت أظهر في الإعلام كتير خالص، أنا مش هدفي في ده خالص'.

وعن إمكانية التصالح مع سائق التوك توك قال عبد الجواد: 'في إجراءات أخدتها مع المحامي بتاعي، بس يعني اعتذر إن أنا أقول أي تفاصيل عنها لأن موضوع قيد التحقيق دلوقتي في النيابة العامة، أنا حضرت عند النيابة العامة وحضرت مع شهاب، لكن أي تفاصيل ما ينفعش، المحامي قال لي ما ينفعش نعلن عنها حاليا، لحد ما النيابة نفسها تصدر البيان للإعلام'.