تحدث محمد الدماطي عضو مجلس إدارة النادي الأهلي عن انتخابات القلعة الحمراء، المقررة في 31 أكتوبر الجاري لاختيار مجلس إدارة جديد للنادي.

وقال محمد الدماطي  في تصريحات لبرنامج الكورة مع فايق: 'من ٢٠ اكتوبر ٢٠١٧ قعدنا قبل الترشح وقيل لنا “الناس الجداد لو فاكرين هتتكلموا في الكورة ده مش اختصاصكم وهناك تفويض للكابتن الخطيب ولجنة الكرة”.

كان محمد الدماطي عضو مجلس إدارة النادي الأهلي، قد علق على أزمة محمود الخطيب رئيس النادي الأهلي وحسام غالي عضو مجلس إدارة النادي.

وأكد  الدماطي في تصريحات لبرنامج “الكورة مع فايق” عبر قناة “ام بي سي مصر”، أنه لم تحدث أزمة بين الكابتن الخطيب وحسام غالي، مشددا على أن  حسام شخص واضح وهو أمر يعتبره البعض ميزة والآخر يراه عيبا.

وأضاف “مكنش في خلاف على الطاولة بين الخطيب وغالي، ممكن خلاف في الكورة في حاجة إحنا مش شايفنها وهو خد قرار بالابتعاد في الفترة الأخيرة”.

وتابع “أنا مش من النوع اللي هتستغل أن الناس دلوقتي بتهاجم حسام غالي، وأدخل أكمل خصوصًا أنه حتى الآن عضو مجلس إدارة معايا، أنا مش من النوع اللي بحب اخبط في حد لمجرد انه بره وأنا جوة، حسام، شخصية واضحة”.