طالب الإعلامي أحمد موسى، بالاستفادة من تجربة العراق في شراء القمح المحلي من المزارعين، مشيرا إلى أنها نجحت في توفير القمح محليا بعد أن كانت تستورد من الخارج.

وقال موسى، خلال برنامج 'على مسؤوليتي' المذاع على قناة 'صدى البلد': 'عايز أقول لحضراتكم على تجربة مهم جدا للعراق، العراق تمر بظروف شديدة الصعوبة ورغم ذلك عملوا إيه في ملف القمح؟ كان عندهم في العراق أزمة استوردوا وبدأوا يشوفوا الأسعار العالمية'.

وتابع: 'لقوا سعر الطن ما بين 250 إلى 300 دولار ما يعادل حوالي 350-450 ألف دينار عراقي سعر طن القمح في العراق'.

وواصل: 'الحكومة العراقية قررت تاخد إجراء قوي جدا مبقولش اعمل زيه، ولكن اعمل إجراء مش لازم زي ده، عملوا إيه العراق؟ راحوا طلعوا قرار إحنا هنستلم الطن بـ850 ألف دينار يعني 90% زيادة عن السعر العالمي ودا شجع الناس تزرع وتسلم الحكومة العراقية كام مليون طن؟'.

وأوضح: 'أنتجوا 6 ملايين طن وسلموها للحكومة العراقية، والمخاوف اللي عند العراق النهاردة إيه؟ عندهم مخاوف أن الدول جيران العراق نتيجة لانخفاض السعر العالمي يهربوا القمح داخل العراق عشان يستفيدوا من الأسعار العالية في العراق'.

واختتم: 'لازم النهاردة أفكر هشتري الإردب بكام؟ بألفين والا أكتر شوية وشويتين عشان أشجع الناس تزرع بدل ما يجيلي 3.5 مليون طن يجيلي 6-7 مليون طن وتخيل جالك الرقم ده معناه على طول مفيش دولار، نقدر نعمل ده؟ هي تجربة نشوفها وندرسها وعلى الأقل نشوف نحفز الناس أكتر إزاي'.