وجه الرئيس عبدالفتاح السيسي حديثه إلى كامل الوزير وزير وزير الصناعة والنقل ونائب رئيس الوزراء، على هامش افتتاح المرحلة الأولى لمدينة مستقبل مصر الصناعية، وانطلاق موسم حصاد القمح من داخل مشروع 'مستقبل مصر' للإنتاج الزراعي في منطقة الضبعة.

وقال الرئيس السيسي: 'يا كامل حتى الآن مفيش مصنع لإنتاج لبن الأطفال في مصر وبنستورده، الكلام ده قولته من 4 أو 5 سنين، الكلام ده بقوله مش للحكومة بس، للقطاع الخاص والمستثمرين، لو عايزين تنقلوا بلدكم لوضع أفضل، ده مش هيبقى سهل.. هتفضل تسعى لحد ما ربنا يسدد خطاك في اللي أنت عايز تعمله'.

وتابع الرئيس السيسي: 'بقول للناس إحنا جايين عشان نزود الإنتاج ونحسنه ونحسن حياتنا، أرجوكم تثقوا فينا، عايزين نبقى مع بعض عشان نغير ونطور ونحسن من حالنا'.

وكان الرئيس السيسي افتتح في مايو 2024 المرحلة الأولى من موسم الحصاد بمشروع مستقبل مصر للتنمية المستدامة، الذي يقع على امتداد طريق محور روض الفرج - الضبعة الجديدة.

ويعد “مستقبل مصر للزراعة المستدامة” مشروعا زراعيا حيويا نحو الاكتفاء الذاتي وفرص العمل والتنمية المستدامة، ومن المنتظر أن يشهد هذا الموسم زيادة كبيرة في حجم توريد القمح.