علق الإعلامي تامر أمين على فوز فريق البنك الأهلي على منافسه بيراميدز في المباراة التي أقيمت بين الفريقين أمس ضمن منافسات بطولة الدوري.

وقال أمين خلال برنامج 'أخر النهار' المذاع على قناة 'النهار': 'أنت لما نيتك تبقي سليمة ولما تعمل اللي عليك صح ربنا يجازيك ويبعتلك الخير من حيث لا تحتسب وامبارح طبعا كان دراما زلزالية في الدوري المصري ابتدت عصرا بتعادل الزمالك مع سيراميكا كيلوبترا ثم كانت الدراما الكبرى في مباراة بيراميدز والبنك الأهلي'.

وأضاف: 'الحقيقة ودا بجد أمبارح البنك الأهلي خد دعاية وتسويق قد كل الإعلانات اللي بيعملها في تاريخه قبل وبعد امبارح السوشيال ميديا والبرامج والوكالات لا حديث لها إلا عن البنك الأهلي لدرجة أنه اتقالك كده امبارح رغم أنه يوم الجمعة بس البنك الأهلي عمل اعلى فوايد في تاريخ البنوك 100% فوايد'.

وتابع: 'مفاجأة كانت من العيار الثقيل وسارة جدا للأهلوية وأنا قلت الأسبوع اللي فات قبل حتى هزيمة بيراميدز من فاركو لما كان كل الكلام بيصب في أن بيراميدز داخل على ثلاثية تارية وهياخد بطولة الابطال من صن داونز والكاس من الزمالك قلتلكم دا أول امتحان حقيقي لنضج وكبر وبطولة نادي بيراميدز بمعني أنه داخل على حملة ضغوط ميتحملهاش غير النادي البطل'.

وأوضح: 'بيراميدز السنة اللي فاتت بيراميدز كان سابق وفارق عن الأهلي بكتير وابتدا يفقد نقط والأهلي حصله وكسب الدوري'.

واختتم: 'الناس اللي قالت الموضوع محسوم قلتلهم اصبروا لأننا في الأمتار الأخيرة اللي يحافظ على لياقته ويعرف يتحمل الضغوط'.