نشرت الفنانة مي الغيطي، عدة صور وفيديوهات لها عبر حسابها الرسمي على تطبيق انستجرام، كشفت فيها تفاصيل حادث كبير تعرضت له، وتسبب في اختفائها لمدة 7 شهور. 

وكتبت مي الغيطي، في التعليق على الصور: «في ناس كثيرة بتسألني أنا كنت مختفيه ليه، من 7 شهور كنت في حادثة حصلت في تايلاند، اتخبطت بعربية نقل في العربيه اللي كنت فيها، واتصبت إصابات بالغة، حصلي كسر في حوضي، وإصابة في العمود الفقري، وكان عندي إصابات داخلية ونزيف داخلي وتلف في الأعصاب في رجلي».

وتابعت مي الغيطي: «قعدت في المستشفى أسابيع في تايلاند ورجعت مصر علشان أكون مع أهلي وأتعالج وسط دعمهم، مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط».

وأضافت مي الغيطي: «بعد علاج طبيعي فتره وكل شوية نكتشف حاجة جديدة انا دلوقتي احسن بكتير جدا الحمدلله ودي حاجة محدش كان متخيلها بعد فتره نسبيًا قليلة، حاسة إني كنت عايزة أشارك ده دلوقتي عشان اقول أن الجسم عنده قدرة رهيبة على الشفاء.. أقوى بكتير مما نتخيل وأن التعافي بياخد وقت، بس بييجي. لو إنت بتمر بوقت صعب».

واختتمت مي الغيطي: «أرجوك كون صبور مع نفسك عشان عدم فقدانك إيمانك انك هتكون احسن بجد بيفرق في قدرتنا على تحمل الصعاب».

وكان أحدث أعمال مي الغيطي الفنية، هو مشاركتها في مسلسل مسار إجباري، الذي تم عرضه في العام الماضي 2024. 

مسلسل مسار إجباري بطولة أحمد داش، ويضم عدد كبير من الفنانين، ومن أبرزهم: عصام عمر، صابرين، بسمة، ياسمينا العبد، مي الغيطي، رشدي الشامي وعدد آخر من الفنانين، وسيناريو وحوار أمين جمال، محمد محرز، مينا بباوي ومن إخراج نادين خان.