أعرب الإعلامي عمرو أديب عن سعادته بتعادل النادي الأهلي مع بيراميدز بنتيجة 1-1 ضمن منافسات بطولة الدوري المصري الممتاز، معتبرًا أن هذه النتيجة أبعدت الفريق الأحمر خطوة إضافية عن المنافسة على اللقب.

وعلّق أديب، خلال تقديمه برنامج 'الحكاية' على قناة 'MBC مصر'، على الأصوات المطالبة بإقالة المدير الفني السويسري مارسيل كولر بعد المباراة، وقال: 'يا جماعة ما تغيروش كولر، الراجل مدرب ممتاز، مفيش زيه، ده لازم يكمل مع الأهلي سنة واتنين وتلاتة'.

أديب لم يفوت الفرصة للسخرية من وضع الأهلي، وقال: 'كولر مدرب عظيم وجبار، هو ده اللي لازم يقعد، وحلاوته تظهر لما يتخصم 3 نقاط تاني من الأهلي، ما ضاع حق وراه عمرو أديب، ولسه منتظر قرار خصم النقاط بنهاية الدوري'.

وانتقد عمرو أديب ما وصفه بغياب العدالة في إدارة مسابقة الدوري المصري، مشيرًا إلى أن غياب الشفافية يفقد البطولة معناها: 'بلا عدالة مافيش دوري، الفوز بلا عدالة ملهوش طعم، ومش هنوصل لدوري فيه منافسة إلا بالإنصاف'.

كما قارن بين الدوري المصري والدوري الإنجليزي قائلاً: 'رغم فارق النقاط الكبير هناك، الناس بتتفرج لأن المفاجآت واردة، لكن عندنا، النتيجة محسومة ومفيش قيمة للمنافسة'.

واختتم أديب حديثه بتصريح مثير للجدل، قال فيه: 'الأهلي في أسوأ حالاته ولا يستحق الفوز بالدوري هذا الموسم. الجمهور شجع، لكن في النهاية مفرحش، أنا زملكاوي، لكن برضو بحب الخير للأهلي، والحقيقة إنه ما يستحقش البطولة دلوقتي'.