أميرة أديب تحكي كواليس أغنيتها "أحمد": المصريين هيفهموا يعني إيه

كشفت أميرة أديب كواليس أغنية 'أحمد' أحدث أغانيها.

وقالت أميرة أديب في لقاء مع ET بالعربي: 'أغنية 'أحمد' اتعملت في وقت صحتي النفسية كانت مدمرة ومكنتش فاهمة حاجة وحاجات كتير مكبوتة، وأنا في حياتي اتعلمت دروس كبيرة بطريقة وحشة أن في ناس وحشة في الحياة وابتديت اتشتم أونلاين كتير، أغنية أحمد طلعت من كده يلا نتكلم عن كل الإشاعات وأي ولد ضايقني في حياتي وإني عارفة إني ساعات بكون مستفزة للناس، المصريين هيفهموا يعني إيه 'أحمد''.

وعن ألبومها الجديد ورسالتها للجمهور قالت أميرة أديب: 'أتمنى أن الناس تشوف حتة مني وتفهمني أو تسمع حتة من قصتي، أتمنى أن يجيلي لايف شو لأن دا الهدف بتاعي إني أرقص في عرض كبير، أتمنى دا يخلي بنات أكتر تدخل في المجال دا وتحس أن عادي وطبيعي'.

وتابعت أميرة أديب: 'الناس مش فاهمة أنا بعمل إيه دلوقتي أو بتشتم ساعات وطبيعي أنا متفهمة أنا بنت وجايه بقول أنا بعمل اللي أنا حباه وعارفاه بألفاظ أو بطريقة تعبير مختلفة تماما عن المفروض البنات بتعمله، وخصوصا إني جايه من حتة كنت كتكوتة أوي وصغيرة وابتديت وأنا عندي 17 سنة على النت الناس مستغربة إني بعمل اللي أنا عايزاه وبرقص وبغني'.