آسر ياسين مدير أعمال ويجز في فيلم "وتر واحد"

تحدث الفنان آسر ياسين عن دوره في فيلم 'وتر واحد' مع ويجز.

وقال آسر ياسين في لقاء مع ET بالعربي: 'هو مدير أعمال للمواهب والموهبة اللي بيديرها هي شخصية ويجز الدور حلو جدا من أحلى الأدوار اللي قريتها في سيناريوهات قبل كده في أدوار معينة مزيج بين التناقضات هو دور غني جدا'.

وعن تصوير مشهد من الفيلم في حفل ويجز في العلمين الجديدة في الصيف: 'المشهد دا أول مشهد في الفيلم أول مرة هتطلع الشخصية خايف أغلط بس الغلطة ممكن تبقى جايه من الشخصية بس الحمد لله ربنا وفقنا فيه وتاني يوم روحنا كملنا وصورنا مشاهد تانية'.

وتابع آسر ياسين: 'الناس فضلت تقول هل دا آسر ولا مش آسر أنا كنت سامع الناس وحاسس أنهم مش فاهمين حاجة في ناس فهمت وناس لا بس اللي حضر الحفلة دي حضر حاجة للتاريخ وهيبقى موجود في المشهد دا ويحكي لأولاده أنه كان حاضر الموقف دا'.

وعن اللوك الذي يظهر فيه في اللوك: 'قعدنا نجهز للشكل يمكن في يوم كنا مستعجلين جدا لأن الحفلة ولازم نطلع فكل حاجة خلصت في يومين، أنا أصلا بحت التاتو وبحب الشنب جدي وأبويا كان عندهم شنب وكان نفسي أعمل شنب زي بتاع جدي الرفيع ، وحاولت أبعد عن شخصية 'الشايب' في الشكل هما فيهم حاجة من بعض بس مختلفين'.

على جانب آخر، كشف آسر ياسين عن مسلسله في رمضان 2025.

وقال آسر ياسين في لقاء مع ET بالعربي : ' أول تعاون مع دينا الشربيني هي ممثلة هايلة وبقينا أصدقاء جدا مؤخرا وحاسس أنها هتعمل حاجة هايلة في المسلسل دا بالذات متحمسين لما اتقابلنا كذا مرة السنة اللي فاتت كنا بنقول ما تيجي نعمل حاجة مع بعض والحمد لله اتوفقنا أن احنا الاتنين نعمل مع بعض المسلسل دا'.

يذكر أن آسر ياسين شارك في موسم رمضان 2025 بمسلسل 'قلبي ومفتاحه' من بطولة آسر ياسين ومي عز الدين، دياب، أشرف عبد الباقي، أحمد خالد صالح، سماء إبراهيم، حازم سمير، عايدة رياض، تقى حسام، وعدد آخر من الفنانين، وهو من تأليف وإخراج تامر محسن، وإنتاج شركة media hub سعدي- جوهر.