خالد عجاج: ندمت على قرار الموت الرحيم لكلبي

حكى الفنان خالد عجاج عن علاقته بكلبه 'ديزل' وعبر عن ندمه بعدما قراره بالموت الرحيم له.

وقال خالد عجاج في لقاء مع ياسمين عز ببرنامج 'كلام الناس': 'أنا مش شايف أن دا عيب خالص إني أتكلم عن 'ديزل' الكلب بتاعي الوحيد اللي اقتنيته في حياتي، قعد معايا 14 سنة جمبي أسافر وأرجع وه ومستنيني في مواقف كتير بيني وبينه إنسان وحيوان معاه اتأثرت جدا في اللحظة اليل اضريت فيها إني أموته موت رحيم هو كان كبير في السن وجاله كانسر وتقريبا مكنش بيشوف وبيتألم جدا جدا'.

وتابع خالد عجاج: 'أنا ندمان إني عملت كده هو ارتاح لكن كانت صعبة ومعملتهاش تاني'.

وأضاف خالد عجاج: 'أنا براعي القطط اللي في الكومباوند بتاعي هما بيجولي وأنا بحاول أعقمهم عشان ميتكاثروش ويعملوا مشاكل دول أمم زينا ربنا خلقهم، أنا أفهم أن في حوادث بتحصل بين الكلب والإنسان وحتى القطة الأضعف اللي كل تفكيرها في الأكل والشرب لكن متأذيهاش وتقتلها أكيد في حلول تانية'.

وأكمل خالد عجاج: 'أنا من الناس اللي بتتأثر بشكل كبير ربنا خلقني كده، كنت براعي حوالي 20 أو 25 قط وقطة بجبلهم أكل، كل طلباتهم أن تتطبط عليهم وتديهم أي حاجة ياكلوها، وبقى عادة عندي وأنا بتمشى أحطلهم أكل، واللي أقدر أعقمه بعمل كده عشان الناس اللي في الكومباوند بتضايق'.