محمد رمضان بردّ جريء وغير متوقع على منتقدي إطلالته (فيديو)

في أول تعليق له على اطلالته المثير للجدل في حفله الأول بمهرجان 'كوتشيلا فالي' في أميركا، برر الفنان محمد رمضان سبب اختياره للتصميم، مؤكداً أن هدفه كان لرفع اسم مصر من خلال الملابس الفرعونية وليس كما تم الترويج له عبر السوشيال ميديا.

وظهر النجم المصري في مفطع فيديو نشره عبر مواقع التواصل الاجتماعي بملابس طبيعية ووجه رسالة لجمهوره قال فيها: 'أنا كنت مؤجل الرد لأني كنت مركز في الحفلة الثانية في كوتشيلا، الحفلة اللي شايل فيها اسمي واسم بلدي واسم جمهوري اللي في ظهري من أول يوم'.

وأضاف: 'جمهوري اللي حافظني وكبرت قدام عينه عارف إن محمد رمضان عمره ما لبس ملابس واحدة ست لا في فيلم ولا في مسلسل، مع كامل احترامي للفنانين اللي عملوها، جمهوري اللي حافظني عارف إن محمد رمضان لبس حلق في فيلم وكليب، ولكن في الحقيقة عمره ما لبس حلق ولا عمره هيلبس حلق'.

وتابع: 'جمهوري اللي حافظني وكبرت قدام عينه عارف إن أكيد ملابسي في الحفلة الأولى مش مقصود اني اطلع بالشكل اللي اترجم على السوشيال ميديا، كان الغرض تبقى حاجة فرعونية، والمصممة فريدة، يمكن ماكنش معاها جنيهات كفاية فطلع قصير شوية'.

واختتم رسالته قائلا: 'محمد رمضان اللي إحنا عارفينه ما يلبسش برا (صدربة)، محمد رمضان يفكه يا ليفة'.