كريم فهمي عن انتقال زيزو للأهلي: جمهور الزمالك من حقه يزعل

كشف الفنان كريم فهمي عن رأيه في انتقال لاعب الزمالك أحمد سيد زيزو إلى النادي الأهلي.

وقال كريم فهمي خلال لقائه في برنامج 'كلمة أخيرة' مع لميس الحديدي: 'الجمهور ليه كل الحق أن هو يزعل ولكن أكيد في حاجات ورا الموضوع دا منقدرش أن إحنا نلوم اللاعب فقط عليها'.

وتابع كريم فهمي: 'إحنا جمهور الأهلي زعلنا لما رمضان صبحي مشي، هي نفس الحكاية بالعكس كمان دا رمضان صبحي كان بيلعب في الأهلي من وهو لسه طفل عنده 8 سنين، وكان محسوب أنه هيبقى أسطورة في النادي الأهلي وإحنا زعلنا جدا وكل الناس طلعت قالت إزاي رمضان صبحي يمشي'.

وأضاف: 'في علاقة ما بين الأهلي والزمالك علاقة حب أكتر ما هي علاقة كره، لو حد أهلاوي صميم سمع أن بكرا مفيش نادي الزمالك هيدافع عنه، ونفس الوقت لو جبنا حد عاقل من جمهور الزمالك هيبقى نفس الكلام فين المتعة لو مش موجود'.

يذكر أن كريم فهمي شارك في رمضان 2025 بمسلسل 'وتقابل حبيب'.

مسلسل 'وتقابل حبيب' من تأليف عمرو محمود ياسين، وبطولة ياسمين عبدالعزيز، كريم فهمي، نيكول سابا، خالد سليم، صلاح عبدالله، بسنت شوقي، محمود عمرو ياسين، وإنتاج تامر مرسي، إخراج محمد الخبيري.

كما ظهر كريم فهمي ضيف شرف في الحلقة الأخيرة من مسلسل 'إش إش'.