عمرو سعد عن انتقادات الصوت العالي في "سيد الناس": فيه ريموت وطي الصوت أوأقلب!

حل النجم عمرو سعد ضيفا على برنامج 'يحدث في مصر' الذي يقدمه الإعلامي شريف عامر عبر شاشة 'MBC مصر' للاحتفال بنجاح مسلسله الرمضاني 'سيد الناس'.

وقال عمرو سعد: 'تضايقنا في الأول من انتقادات الصوت العالي في (سيد الناس)، لكن بعد كده أدركنا أن مش كله حقيقي، مش بركز مع ردود فعل الجمهور على السوشيال ميديا لأن معظمها مش حقيقية، والنجاح الحقيقي إن اعمل دوري بشكل كويس، وان اشوف رد الفعل في وش الناس في الشارع'.

وتابع عمرو سعد: إحنا معانا مهندس صوت، فيه حاجة معينة مينفعش يطلع براها، الناس العادية مش فاهمة أنها صناعة ولها أدوات ومفيش فيها حاجة غلط لازم تبقى منضبطة، وبعدين فيه ريموت وطي الصوت أو أقلب، مشوفناش زمان ناس بتعلق على الحاجات دي، احنا عمرنا زمان ممرينا بكم الانتقادات دي ودلوقتي بقى فيه نجوم وشركات بدل ما يتروج لأعمالها على السوشيال ميديا، بتضرب في الأعمال التانية.

مسلسل 'سيد الناس' بطولة عمرو سعد، خالد الصاوي، الهام شاهين، منه فضالي، أحمد فهيم، رنا رئيس، نشوى مصطفى، عماد زيادة وآخرين، تأليف وإخراج محمد سامي.