محمد شاهين: كنت خايف من رد فعل الجمهور على دوري في "لام شمسية"

تحدث الفنان محمد شاهين عن دور 'وسام' في مسلسل 'لام شمسية' ورد فعل الجمهور الذي تلقاه.

وقال محمد شاهين في لقاء مع ET بالعربي: 'في الأول كنت خايف من ردود أفعال الناس هتبقى عامله إزاي لأنهم مصدقين وواخدين الموضوع بشكل شخصي بس دي حاجة مفرحاني، وأرجو إني أكون أفدت الناس ودا الهدف الأساسي بالنسبة ليا'.

وعن فكرة قبوله للدور إن كان تردد في البداية، قال محمد شاهين: 'ولا لحظة فكرت اعتذر عن الدور، أستاذ كريم جالي البيت هو كان قايلي عن المشروع دا وقت ما كنا بنعمل مسلسل 'الهرشة السابعة' وفرحت جدا أني هشارك في المسلسل، وحكالي على الدور واستنى رد فعلي إني أخاف، لكن أنا كنت متحمس بشكل غير طبيعي'.

وكشف محمد شاهين عن تحضيراته للشخصية قائلا: 'قعدت كتير أفكر وقعدت مع دكتور سارة عزيز عشان اعرف الشخصيات دي بتكون إزاي، وفكرة أنه قريب مش بعيد عن الضحية، أستاذ كريم الشناوي كان في ضهري طول الوقت، والحمد لله الشخصية وصلت للناس وكرهوها، بس الحمد لله كرهوا الشخصية مش أنا، دا تمثيل يعني سلموا عليا بس لو حابين بس بلاش ضرب عشان مش أنا'.

مسلسل 'لام شمسية' من تأليف مريم نعوم وورشة سرد، وإخراج كريم الشناوى، وإنتاج شركة ميديا هب – سعدي وجوهر، وبطولة أمينة خليل، أحمد السعدنى، محمد شاهين، يسرا اللوزى، ثراء جبيل، صفاء الطوخى وعدد آخر من الفنانين.