هدى المفتي: أنا عمري ما جالي عريس

كشفت الفنانة هدى المفتي أنها لم يتقدم لها أي شخص بغرض الزواج.

وحكت خلال لقائها في برنامج 'صاحبة السعادة' مع إسعاد يونس: 'أنا عمري ما جالي عريس عمر في حياتي ما في راجل جيه أتقدم أنه عايز يتجوزني لا من صديق ولا من أي حاجة، بتجيلي رسايل على 'إنستجرام' هما دول اللي اتقدمولي مفيش عريس حقيقي جالي قبل كده مش عارفة بيخافوا مني ولا إيه'.

وتابعت: 'وأنا صغيرة كنت عارفة أنا عايزة إيه أوي وعندي أحلام كتير عايزة أحققها وولا واحد منهم كان الجواز لأن والدي من وإحنا صغيرين كان يقولنا أنتوا هتكبروا وتنجحوا ليه تتجوزي الست مش محتاجة تتجوز إلا لو هي عايزة تتجوز، العكس كانت مامتي كانت دايما تسألني هو مفيش حد خالص'.

وأضافت: 'أنا كنت بحب طول الوقت كنت حبيبة أوي أنا شخص حساس وبيحب، في تالتة ثانوي حبيت شخص وكان حب من طرف واحد وبعدين هو اختفى فجأة وبعدين سمعت أن هو اتجوز'.

وعن الشائعات التي تكتب عنها دائما عن ارتباطها: 'الإشاعات إحنا بنسكت لحد ما تموت ولو في حاجة حقيقية أنا ليه مش هقولها ليه مش هقول إني اتخطبت ما أنا لو فرحانه هبقى عايزة أعلن وعندنا الجواز إشهار '.

على جانب آخر، تشارك هدى المفتي في بطولة فيلم 'بنات فاتن' مع يسرا وباسم سمرة.